Popular Bible Verses from लूका 22

Share

कि “हे पिता! अगर तु चहिया ता मूं ऐन्हां दुखा किना छडा सकता, पण आंउ चांहथा कि मिंडी ना पण तिंडि ईच्छा पूरी भुईया।”

पण मीं तिंडै तेईनी प्रार्थना केयि, कि तिंडा विश्वास त्रुटि ना गहिया जां जेख्णी तु अपड़ै पापा किना मंन फिराईया ता अपड़ै भाई बि मूं पन विश्वास कांननी मजबूत करै।”

फिरी यीशु रोटी लेई जां धन्यवाद करि-करि भंन्नि, जां तेन्हांनि ऐ बोलि करि दित्ती कि, “ऐ मिंडी जान आ, जै तुवाड़ै तेईनी दींणी लाउरी आ, मूं याद कांनेरै तेईनी तुवे ऐहीं करियां करै।”

ऐहियें-चारै तेनी रोटी खांणा किना बाद कटौरा दित्ता, “ऐ कटौरा नवें वायदेरा मिंडा सैक्या खून आ जै तुवाड़ै तेईनी बहाईयूंणा।

यीशु बड़ा बेचैन भौ करि प्रार्थना कांना लगा। जां तेसैरा आत्मा यौउता दुखी भौ ग्या कि तेसैरा पसीना खूनेरिये बूंदै सैयि धरती पन चुड़ना लगा।

पण तुऐ ऐहीं मेईं कातै, बल्कि जै तुहां मझ महान आ सै हल्केरै समान, जां जै प्रधान आ सै सेवकेरै समान बणनै।

यीशु पतरसा सिंउ बौलु, “आंउ तुहां सिंउ सच बोलता, कि आज जेख्णी कुख्ड़ा ल्यौ दींणी त्यो-तेईनी तांउ त्रा बारी मूं किना मुकरी गांहणु, कि आंउ यीशु ना जांणता।”