Popular Bible Verses from यहुन्ना 4

Share

परमेश्वर आत्मा आ ऐठणीरै तेईनी जरूरी आ कि तेसैरी अराधना कांनार आत्मा जां सच्चै मनैं सेईतै अराधना करिया।”

पण सै टैंम ऐईंता जेख्णी सच्चा भक्ता असेड़ै पिता परमेश्वरेरी अराधना आत्मायरी अगुवाय मझ सच्चाई सिंउ कांनी, केईनी कि असैड़ा परमेश्वर अपड़ै तेईनी ऐतियै भक्ता तौपता।

पण जै कौ मिंडु दितोरू पांणी पींता, तैस फिरी कदि त्रिश ना लगणी। जै पांणी मूं तेसनी दींणु सै तैस मझ अक दरियौ बंणी गांहणा जै दरियौ अनन्त काल तेईनी शुकणा ना।”

यीशु तैस सिंउ बौलु, “ताउ ना पता कि परमेश्वर ताउनि कितु दींणा चांहथा, जां तु ना जांणति कि ताउ किना केणु आ पाणी मगता। अगर ताउ पता भूंता, ता ताउ मूं किना ऐ जीवनैरु पांणी मगणुं थियु, ता मूं ताउनि सै जीवनैरु पांणी दींणु थियु जैस मझ अनन्त जीवन आ।”

यीशु तैन्हांं सेईतै बौलु, “जेनि आंउ भेईजौरा, तेसैरी मर्जी चलणु जां तेसेरै कम पूरै कांने, ऐहै मिंडै तेईनी रोटी अत्ति।”

जनेनी तैस सिंउ बौलु, “हे मालिक! ताउ किनि ता पांणी भरनानि किछ बि आहै ना, जां कुवां बड़ा डुघा आ, ता फिरी सै जीवन दींणै बाउ पांणी ताउ किनि कोठां यू?

जनेनी तैस सेईतै बौलु, “आंउ जांणति कि मसीह जै परमेश्वरैरा अभिषिक्त क्यौरा मैहणु आ, सै ऐईंणै वा। जेख्णी तैस ऐईंणु ता तैस असुनि सारी गलै शुणा दींणी।” यीशु तैस सेईतै बौलु, “आंउ, जै ताउ सिंउ गलै लांता, सैहै आ।”

“ऐईछा, एकि मैहणु तका, जेनि सभ-किछ जै मीं क्यौरू आ, शुणा दित्तु। क्या सैहै मसीह ता ना?”