Popular Bible Verses from यहुन्ना 19

Share

तां यीशु सै सिरका चक्खा, फिरी बौलु, “पूरू भूं।” जां मुंडकि उन्धी ला करि मरि ग्या।

ऐत किना बाद यीशु ऐ पता लगी ग्या कि अबै सारै कम पूरै भौ ग्यै; ता पवित्र शास्त्रेरी गल पूरी कांनेरै तेईनी यीशु बौलु, “आंउ त्रिशणा।”

यीशु अपड़ि माँ जां तैस किनि खड़ै अपड़ा चैलै जैस सेईतै सै प्रेम करींथ्या, सै तैठि खड़ा तका। यीशु अपड़ि मयि सिंउ बौलु, “हे नारी! तका, ऐ तिंडा पुत्र आ।” तां तैस चैलै सेईतै बौलु, “तका, ऐ तिंडि माँ आ।” तेसै टैंमा सै चैला तैस अपड़ै घरेनी लै ग्या।

पण जेख्णी तैन्हैं यीशु किनि ऐईछी करि तकाउ कि सै मरि गियौरा ता तैन्हैं तेसैरी जंघै ना भंनि। पण एकि सिपाहि तेसैरी पस्सलिनि बरछी बहि ता इकदम खून जां पांणी निकूंहणा लगु।

ऐ ऐठणीरै तेईनी भूं कि पवित्र शास्त्रा मझ लिखोरू सै सारू सच भौ गहिया। “तेसैरी कौ बि हड्डी ना भनियूंणी।” फिरी पवित्र शास्त्रा मझ एकि होरी जगाय ऐ बि लिखोरू आ कि, “जैन्हैं सै बरछियै ला बिन्हथिया तैन्हांं तैस धेरै तकांणु।”

तां सै यीशु लै ग्यै जां तैन्हैं यीशु किना तेसैरा अपड़ा क्रूस तेसै किना चुका जां तैस यरूशलेम शहरा किना भेईर मतलब खोपड़ी नाँईयेरी अक जगा आ, तैड़िनि लै यै, तैस जगायरू ना इब्रानी भाषाय मझ गुलगुत्ता बि थियु।

सिपाहियै कंडा केरू मुकुट बंणा करि यीशुरै शिरा पन लुवाउ जां जांमुनि रंगेरै लिकड़ै लुवाय।