Popular Bible Verses from प्रेरितों के काम 5

Share

तां पतरसै जां होरै खास चैलै उत्तर दिता, “असु मैहणुवां केरी आज्ञा ना, पण परमेश्वरेरी आज्ञा मनणी जरूरी आ।

ऐत किना बाद रौज मंदरा जां केहिया घरा मझ खास चैलै हर धियाड़ि खुशखबरी शिख्रांतै जां शुणांतै थ्यै कि यीशु ऐ मसीह आ।

पण पतरसै बौलु, “हे हनन्याह! जै शैतानै तिंडै मंना मझ पवित्र आत्माय सिंउ झूठ बोलणैरी गल सौचि जां तीं अपड़ि बैचोरी जमींनि मझां पेईंसा केरा अक हैसा अपड़ै तेईनी रखि ल्या। क्या बैचणा किना पेहिलै सै जमीन तिंडि ना थी? जां जेख्णी बैचि छडि ता क्या तेसैरी कीमत ताउ धेरै ना थी? तिंडै मंना मझ ऐतियै बुरै कंमैरा ख्याल किहीं या? तीं मैहणुवां सिंउ ना पण परमेश्वरा सिंउ झूठ बौलु।” हनन्याह ऐ गलै शुणि करि जमीनि पनि ढढ़ै चलि ग्या, जां सै मरि ग्या; जां सभ ऐ गलै शुणि करि बड़ै डरि ग्यै।

ऐठणीरै तेईनी ऐस मामलै मझ आंउ तुहां सिंउ ऐ बोलणा चांहथा कि तुवे ऐन्हां खास चैला केरै कंमा मझ दखल मेईं देया जां ऐ जेनि बत्तै गांहणु चांहथै तेदि गांहणा देया। अगर ऐ योजना मैहणुवां केरी अपड़ि तरफ सिंउ भुई ता ऐ अपड़ै-आप हारी गांहणै। अगर ऐ कंम परमेश्वरेरी तरफ सिंउ अत्तै ता ऐन्हां कौ ना रौकि सकता, किहीं क्यै ऐहीं ना भुईया कि तुवे परमेश्वरा सिंउ बि भिड़ियूंणार बंणी गहिया।”