Popular Bible Verses from MAKUX 14

Share

Nawh Cao ah nin, “Abax, Keeing eue, Maix chix yuh kuceu heue. Teei kawk in khaing Aux liak, viang mawh nan, paw kieh mawh alo pa khaw caw rhawm Aux, kieh mawh pa khaw caw rhawm Maix heue.”

Pau mai rawg bwan heue, yuh ka mawx son ang pex laig ka daux pa nyaw glaw. Khuan koe rhawm ti sang yuh tete, viang mawh nan nex nham mawh pa iak riang iak rao heue.”

Aux krai lox tete ka pex, dee mawx ang ah, dee sang sidiex gau lox bwan gaux rhawm in ka piang haktiex kudah dee khawmuik, grawng ceu pa yuh bun in kawx, tak sang krai, sonsang doh keud ka nawh heue.”

Nawh Cao ah nin ka kix, “Aux kied khi rhawm, tom dex sang yum, pex ot tin mai pau heue.”

Yam sawm kix Nawh Cao teei blah, khaix hoik nawb Nawh bwan. Nawh sivit mai tawx ka kix ah nin, “Pex teei, in mawh tokaux Aux heue.”

Nawh Cao teei kawk mai khaix hoik yaogyaw Nawh bwanson, Nawh tawx ka kix mai kix khawmuik nyaux kah heue. Nawh Cao ah nin ka kix, “In mawh nham Aux pa dex dawd mai sijax mukheu pa khraox, pa lih son pui tom nie heue.

Yesux ah nin ka kix, “Pex khawmuik tak sang laux rhawm kah heue. Kheu hoik tiiem ah nin, Aux tak pah cao liang yung mai yung khankix tak prung prang heue.

Kaoh, ex hu heue, jhak heue, kaw pa sang tik sang tawx Aux dex hoek heue.”

Yesux ah nin ka nawh, “Aux krai lox tete ka maix, daux ngaix, daux sawm in, ka ang ia nyang ux ra bawg maix tak thiang titik vud Aux loe bawg heue.”