Popular Bible Verses from MAKUX 12

Share

Yesux baox pawk lox ah nin, “Pa lheu ting khaing paox tix mawh in, Pui Isarelax eue, nghiet heue, Siyiex ex, mawh Siyiex leeing ju tix kaux khaing. Maix tak moh Siyiex maix khawm rhawm tix khawmuik, khawm ju tix, khawm ka dee chix keud tix khawmuik mai khawm riang rao tix khawmuik heue. Pingnyap ra gum tix gum mawh in, Maix tak moh paox plawg paox nyhawm tix awm moh tokaux tix heue. Lox pingnyap pa lheu ting khaing ceu in ang koe.”

Nawh Cao kok kawncau Nawh khankix hoek ka tix mai ah nin ka kix, “Miexmai pa hot sibhawm in hoik sau nie lheu khaing kix pa sau, ka daux dee sau mau khawmuik. Kheu kix khawmuik, hoik sau khaing pa lheu kix, viang mawh nan, bun in hoik sau khaing pa hot tix pa koe nawh khawmuik, viang mawh pa mawh sonsang im ju tix, nawh hoik sau heue.”

Nawh Cao ngawm dex ka dee deuh mau mai jhak ka pui hun sau mau, dee sau mau tan mai cao mi tom nie sau tom nie. Miexmai pa hot pa sibhawm hoek tix kaux mai sau tawng ra bliah iak, pa keung been tix piak.

Pa moh Nawh khawm rhawm khawm rhi khawmuik mai pa chix tawng khawmuik mai khawm riang rao khawmuik mai pa moh paox plawg paox nyhawm tix awm moh tokaux tix, nie lheu khaing pa tan khawmuik, pa gleeing ka ngu heue.”

Yesux baox ah nin ka kix, “Ceu pa mawh cie Kesa, tawx ka simiang Kesa heue. Ceu pa mawh cie Siyiex tawx ka Siyiex heue.” Kix kied daox deng ka Nawh Cao heue.