Popular Bible Verses from LUKAX 6

Share

Tawx ka pui mai tak sang tawx ka pex pa tong pa tiag mhawm mhawm, pa hoik yeen mai pa hoik yung yiang mai pa kreh, pui tak sang tawx naok ka pex heue. Mawh kheu pex tong pex tiag ti tawx ka pui tang kaux miex ding, tak sang baox deeh tong deeh tiag ti tawx ka pex yuh nan heue.

Pui pa mhawm viex ceu pa mhawm lih khaing daux rhawm rhi nawh dee deuh pa mhawm mai pui pa caox viex ceu pa caox lih khaing dee deuh pa caox heue. Kheu jheeh chix krai ceu pa koe daux rhawm tom naog kreh heue.

Moh ka pui pa koeng ka pex mai yuh pa mhawm mai tawx yaog yaing paw keud ti deeh pon tidtix mai bwanson pex tak kied ting kied lhaong mai pex tak mawh kawn kaw pa ting lhaong khaing khawmuik heue. Mawh kheu Nawh yuh bwan son ka pui pa ang tawng bwan son mai ka pui caox khankix heue.

Mawh kheu nan, awm Keeing pex koe krax caux rhawm, pex kawx kieh koe krax caux rhawm heue.”

Paw prawng ca, yuh ka mawx son ang pex sang hoek krax prawng ca. Paw prawng phimap pui mai pex tak ang hoek krax prawng phimap heue. Pluat ploi phimap ka pui mai pex tak hoek krax pluat ploi heue.

“Viang mawh nan Aux krai ka pex pa mhong khankix, moh ka pui pa koeng ka pex mai yuh pa mhawm son kix pa koeng ka pex heue. Nawb bwan ka pui pa lawg ka pex, rawg bwan, son kix pa yuh pa ang khaw ang jiet ka pex heue.

Awm simie pex pui yuh ka tix, pex kawx, yuh awm an ka kix heue.

Ka kaw pa simang sibax maix tix plak, tang plak kawx, baox tawx ti yaox heue. Kaw pa teei prux fua maix, sibex maix kawx, paw kieh thiang ti tawx kah heue. Tawx ka pui pa rawg ka maix ku kaux mai kaw pa teei kraung cie maix, paw lai deeh mhaing ka nawh heue.

Grawh grawng nawh, khaox pa mhawm pa plix plix pa ang mhawm ang koe tix khaox kawx mai khaox pa ang mhawm pa plix plix pa mhawm, ang koe tix khaox kawx heue.

Mawh kheu chix tawng khaox ku khaox ka plix nawh heue. Grawh grawng nawh, pui ang sax pieh plix ruh khaing pang kat mai ang sax pieh plix siiet khaing katsai brex.