Popular Bible Verses from YAM JAH 17

Share

Yam hoik koe ju Abram tixdim dim num Simiang Siyiex lih bleeh ka Abram ah nin, “Aux mawh Siyiex pa ting sibrawm, hu plak sivoe ngai Aux, daux pa grum naog awx.

Ceu kaux maix tak ang lai kok mawh Abram khaix in, ceu kaux maix tak kok mawh Abraham, mawh kheu hoik yuh Aux maix mawh keeing tix kaux, ka can ceu pui khawmuik heue.

Aux tak kieh lox sijax mukheu tix, kaux daux maix, mai khawm doeh ru maix khankix, tix ju hoik tix ju khaix maix heue. Aux tak mawh Siyiex ka maix khawm doeh ru pa koe khaix maix heue.

“Jhak heue, lox sijax mukheu Aux koe tau mai maix. Maix tak mawh keeing ceu pui khawmuik heue.

Siyiex ah nin, “Ang mawh nan, moeng maix Sara tak sang keh kawn simex tix kaux mai kok ceu kaux nawh mawh Icak heue. Aux tak sang priex lox sijax mukheu tix ka nawh, pa mawh lox sijax mukheu leeing ju tau mai doeh ru nawh mai khaix nawh heue.”

Lheu khaing an, Aux tak tawx haktiex in, pa mawh maix nyo sinie mai khawm doeh ru maix khaix maix sax heue. Baoh haktiex Khanan in khawmuik tak mawh cie maix leeing ju mai Aux tak mawh Siyiex ka kix heue.”

Khaix an Abraham gup ngai baoh tix mai nyiah daux rhawm tix ah nin, “Kawn tix kaux sang pon keh khaing pui pa hoik koe ju tix yieh num lie? Sara tak chix koe kawn tix kaux yam koe ju nawh tixdim num yuh ka mawx?”

Khaix an Siyiex ah nin ka Abraham, “Son moeng maix Sarai maix tak ang lai yaox ti kok ceu kaux nawh mawh Sarai, viang mawh nan, tak deeh kok ceu kaux nawh mawh Sara heue.”

“Maix tak pat ka hak kix mai in tak sang mawh mhai rug sijax mukheu sinax Aux mai maix heue.”

“Viang mawh kawx nan, Aux tak sang priex lox sijax mukheu tix mai Icak, pa mawh kawn maix khaing Sara daux num pa sang hoek in sax heue.”

“Can kawn simex pa hoik naog daix ngaix, pa koe daux ru maix, can pui nyo sinie pa hoik liag maix ka mau khawmuik, pa ang mawh doeh ru maix khawmuik tak yaox ti pat hak ku kaux, Can pui pa keh daux nyiex ma maix, pui pa viex maix hoek, pa hoik liag maix ka mau khankix kawx, kieh kix pat hak khawmuik heue. Gumlox sijax mukheu Aux, tak ot daux nex nham maix mai mawh gumlox sijax mukheu leeing ju heue.