Popular Bible Verses from KAWNCAU 1

Share

Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

Nawh Cao deeh ah nin ka kix, “Bawg yam khankix pa hoik ciak Keeing Cao ti deuh, daux sibrawm tokaux tix, ang mawh pa sang tawx pex tawng.

Yam khrawm Nawh Cao tau mai kix, Nawh tawm lox ka kix son ang kix sang lih khaing veng Yerusaliem, krox tom hoik pon, awm lox mukheu pa tawx Keeing Cao, pa ah Nawh, “Hoik mhong pex ka Aux. Grawh grawng nawh Yohan cubcom ka rawm tete heue, viang mawh nan, khaix in ang awt rheung miex ngaix tix, pex tak sang cubcom ka daux Khuan Singax heue.”

Ka kix kawx Nawh Cao jhi yaox tokaux pa im tix, khaix hoik geu Nawh ti yum, ka daux mhai rug pa mawh meh tom nie mai kieh kix yaox tokaux tix, ka daux tixpon ngaix mai krai grawng ceu pa dex dawd mai Meung Siyiex heue.

Khaix hoik krai Nawh Cao ceu an khankix, yam kawn jhak kix, teei Nawh Cao haok mai paiawm rieb ti teei Nawh khaing dee chix yaox kix.

Yam kawn maong kix ti jeung ka raoma, jhak heue, pui ra kaux pa ceep kraung pa paing cung liep kix, pa ah nin, “Pui Galilie khankix eue, pex cung ti jhak ka raoma yuh ka mawx? Yesux in, pa hoik rieb ti teei haok ka daux meung raoma khaing pex, tak sang deeh hoek, awm yaox pex Nawh haok hu ka daux meung raoma heue.”