Popular Bible Verses from Tèmel keeya 2

Share

Piyer gwan ge num janna go: Ḛ seŋe ta ya se, ge kaŋ keeya ge ḛ ḛ ge sone ma go. Ndu ge diige ne ke baptem ge dḭḭl ge Zeso Krist ne, ge poreya ge sone ge na ne ma pe. Go mbe no, ḛ wa mbo seɗ bobo ge On̰om ge Harcal ne me.

Ge sok mbe go gaw, àa hon ta ge ɓul mɔɗwag ame hateya ge nda ge temeya ma way, àa ka kaɗ dagre ge ta, àa ka zam baan dagre, àa ka kee kaɗeya dagre me.

On̰om ge Harcal mbo ya huy num mbyaɗɗa tab, àa ɗege faa wa ge ɗogle ma, ge mojo̰o̰ On̰om ee maa janna go.

Tugcug, kṵwa̰ a̰me mbo ge pḭḭ zì ya dinna ge sa̰a̰m ge labre ndaal go. Kṵwa̰ mbe mbo ya huy zok ge àa kaa ne zì pul peɗ. Ge sok mbe go, àa kuwa a̰me dinna ge ol wa swala go, ge dḭḭ ge ɗel go, vaa se, kaɗ ge ndu ge diige pagal ɗu ɗu. On̰om ge Harcal mbo ya huy num mbyaɗɗa tab, àa ɗege faa wa ge ɗogle ma, ge mojo̰o̰ On̰om ee maa janna go.

Dwam ma tatab, wa dagre ɗu, àa wan ta deŋel ka seɗ ta ge zok ge Dok ne pul diŋ. Àa ka zam baan dagre ge zok a̰me ma diŋ, àa ka kee ne ge laa saal, ge dul wa eeya se me. Àa ka uware Dok, kaŋ keeya ge num way ma ka deɗ ge nda ge ɗogle ge ho fareba to ma ndwa zì kwaɗa. Dwam ma tatab, Bagezok ka kan nda ge na mo̰o̰ num ma ya, ge ɓase ge Dok ne ge wal ma pagal.

«Dok jin̰a go, fare mbe ma no, num mbo kee ge dwam wa aaya ma go: Mbi mbo kan mbi On̰om ge nda duwana ma pagal peɗ. Ḛ van ma, nda soɗob mage nda zaab, àa mbo seŋe nda ge zwagre Dok wa ma. Ḛ van dore ma ɓanna ge ḛ van kale ma, àa mbo ka kuwa gḭḭl ge kaŋ a̰me ma way, Àa seɗ fare taaya a̰me ma ge num ta. Ḛ sabar ma me, kin̰a ma mbo ka jan num, àa ka seɗ fare taaya a̰me ma ge num ta me.

Nda ge ho fareba ma peɗ, àa kaa digi dagre ɗu, àa ka vaa ta maa kaŋ ma ge ta buwal zì. Àa ka yaɗ maa sok ma ge maa kaŋ kwaɗa ma gezi, àa ka vaa ta kaŋ ge maa see num ma ge ta buwal zì, ge hoɗegeya ge ndu ge diige ne pagal.

Sok mbe go, ndu ge mbo tol Bagezok ya go, ne chiya na kṵwa̰, mbo seɗ monna.»

Gyala mbo seŋe tṵṵ, saba mbo seŋe kàal ge swàm go me. Zḛḛ ge go dwam ge Bagezok ne mbo ya, Dwam mbe ge ɓaŋlaŋ ge waɗe.