Popular Bible Verses from Marcos 13

Share

Konojel i winaq re uwach i jyub' ta'aj tzel ni kixkilo wumal yin; xwiri, pachin jun kuch'ij ronojel ni'pa i k'ax le k'a pa k'isb'al ij re uk'aslemal, lik ktotaj ni uri.

Rumali chixk'ask'atoq xaq chi'ana kwent iwib' man iweta'am taj junpa kuk'ulmaj ile.

Lik mixok il che wach taq kib'ij are kixjach pki'ab' i atol tzij, lik xwi chib'ij wach kuya i Dios chiwe chi kib'ij na, man ix are ti yix kixch'awik, are ni Lo'laj Utewal i Dios kyaw i tzij pichi' wach kib'ij.

I kaj xaq i ulew ksach ni kiwach; xwiri, intzij Yin ksach taj ronojel ij saq.

Xwiri, mijun reta'am pachike ij xaq pachike or kuk'ulmaj ile. Mitene i ángel xaq mitene yin chi in Uk'ojol i Dios, lik xwi i Ta chikaj reta'am.

Yix, are kita utzijol chi o nimaq taq ch'oj jewa xaq jela, mixij iwib' rumal man lik kuk'ulmaj ni ile, xwiri are ti k'isb'al re uwach i jyub' ta'aj.

Xaq keje chi'ana yix ile, chixk'ask'atoq man iweta'am taj wach onom or kk'un i rajaw ja, are kok a'ab', tik'il a'ab', kch'aw i teren, xaq we ksaqirik. We xaqte'et kk'un loq, moqxa kixuriqo chi kixwarik. Xwi ti chiwe yix kinb'ij wi i tziji xaq chke konojel: ¡Lik chixk'ask'atoq! Keje ile xub'ij i Jesús chke konojel.

Man jun tinimit ku'an ni ch'oj chrij jun chik tinimit; xaq kwalij ni jun ajawinel chu'anik ch'oj chrij jun chik ajawinel. Xaq kpe ni nimaq taq ukab'raqan pa jalajuj taq tinimit xaq kpe ni wa'jal. Xwiri ronojel ni'pa ile xa are ujeqanik i k'ax chi kpe ni chwach i jyub' ta'aj.

Xwiri chuxe'el uk'unik i k'isb'al ij, lik rajwaxik kpaxsax ni uwach i utz laj tzij k'ak' re i Dios chke konojel i winaq chwach i jyub' ta'aj.

Man je k'i kek'un ni pinb'i yin, kkib'ij na chi je are i Cristo. Rumali chi lik k'i i winaq ket'ortaj ni kumal.

Chi'ana kwent iwib' yix man kixkijach ni pu'ab' i atb'al tzij; xaq kki'an ni k'ax chiwe pa jalajuj taq ja re molb'al ib' ke i judío. Kixsik'ix ni chkiwach i atol tzij xaq chkiwach i ajawinelab', xa wumal yin. Keje ile yix kixtiki ni chusaqixik chkiwach ike, ronojel ni'pa wach iwilom xaq wach iweta'am chwij yin.

Man kek'un ni jalajuj taq t'oronel chi kki'an che kib' pacha taq je Cristo, xaq kek'un jub'an chik chi kki'an che kib' pacha profeta; xaq kki'an ni jalajuj taq nimaq taq il, man kkaj kit'orik ni'pa je re i Dios, chi lik je u'ulum ire.

Xwiri che taq i ij le are kik'aw ronojel ni'pa i uyej, i ij k-equmar na, xaq i ik' ktzun ti chik, i ch'umil ketzaq na li chikaj xaq ronojel ni'pa yawnaq ucho'ab' i kaj ksiksax ni rumal ucho'ab' i Dios.