Popular Bible Verses from Juan 14

Share

“I uxlanb'al k'uxij kinya kanoq; kinya kan i uxlanb'al ink'ux chiwe, keje taj pacha i uxlanb'al k'uxij chi kkiya i winaq chi to' je re uwach i jyub' ta'aj. Rumali, mixk'achir pik'ux xaq mixij iwib'.

I Jesús xub'ij che: —Yin in b'e, Yin in saq laj tzij, xaq Yin in k'aslemal. Xwi wumal Yin k-an okik ru' i Ta.

“Mixk'achirik, chikub'a ik'ux che i Dios xaq chikub'a ik'ux chwe yin.

Xwiri i Ajkub'sanel K'uxij chi are Lo'laj Utewal i Dios, chi kutaq li Inqajaw pinb'i, kuk'ut ni ronojel i jalajuj taq b'iroxik xaq kukuxtaj ni ronojel ni'pa inb'im chiwe.”

Jun winaq chi kuk'am intzij inpixab' xaq we kkojon che, kuk'ut uri chi lik k'ax kinuna'o. Xaq Inqajaw k'ax ni kuna i jun chi k'ax kinuna Yin, xaq Yin lik k'ax ni kinna i lok'anij le xaq kink'ut ni wib' che.” Keje ile xub'ij i Jesús.

Yin k'iyal mul kintz'onoj utzil che i Dios chi are Inqajaw kuya chik jun ajchajil iwe chi are Ajkub'sanel K'uxij chi kk'iji ni iwu' ronojel ij saq. Ni'pa i to' winaq re uwach i jyub' ta'aj, ike kkik'ulaj ti ku' man kkil ti uwach xaq keta'am ti uwach. Xwiri yix iweta'am uwach man Ire lik o iwu' xaq lik arewi kk'iji ni pik'ux.”

Ronojel ni'pa kitz'onoj yix pinb'i Yin, lik kinya ni chiwe, man keje ile k-iltaj ni u'ij uchomal Inqajaw wumal Yin chi in Uk'ojol. We o i kitz'onoj pinb'i Yin, kin-an na.

“We k'ax kinina'o, kixkojon uri che intzij inpixab'.

Chila ru' Inqajaw lik k'i k'ijib'al olik, wetene qatzij taj, keje tene kinb'iji chiwe chi kin-e ru' Inqajaw chuyijb'axik ik'ijib'al yix.

Are in enaq chik chuyijb'axik i k'ijib'al te'uri kink'un chik'amik man kixink'am b'i wu', ipa kink'iji wi Yin xaq chila kixk'iji wi yix.

Are uri ma Tomás xub'ij che i Jesús: —Ajwal, qeta'am taj ipa kat-e wi, ¿Wach retamaxik uri i b'e kqa'ano?