Popular Bible Verses from 2 Tesalonicenses 2

Share

Lik miya taq iwib' chke chi kixkit'oro. Chik'unsaj iri chik'ux: Are k'amaja kuriq i ij re uk'unik i Ajwal, nab'e kuriq i ij chi laj konojel i winaq kkixutuj ni Dios, are kwinaqir i jun chi itzel laj achi, chi lik xa rak'al tojpen.

Wachalal chwach i Cristo, o uchak lik arewi kqatioxij che i Dios iwumal yix man lik k'ax kixuna i Ajwal. Kqatioxij che man i Dios ix u'ulum yix k'a chuxeb'al ij saq; man keje ile yix na kixtotaj nab'e. Rumal i Lo'laj Utewal chi ix ucha'om i Dios; ile rumal ukub'ib'al ik'ux che i saq laj tzij chi xikojo.

Ire le are i ajch'oj chrij i Dios, xaq chkij konojel i winaq chi kkikoj u'ij i Dios, ire ku'an ni che rib' chi nim u'ij chwach ronojel ni'pa i olik, xwi ta la ile, xaq kukoj ni ukub'ib'al chi o u'ij prachoch i Dios i ku'an pacha Dios che rib'.

I Ajwal Jesucristo junam ru' i Qaqajaw Dios, chi lik k'ax oj una'om, man lik uya'om ukowil qak'ux, xaq i roy-exik i rutzil k'uxij, chi nti uk'isik. I Qajwal Jesucristo lik are Ire chuya ni ukowil ik'ux, xaq lik chu'ana chiwe chi kib'ij ni utz laj tzij.

Lik kkaj ti saq laj tzij, rumali, i Dios kuya chke chi kesach chupam i utz taj xaq xa are kkikoj i t'oronik.

I uk'unik i itzel laj achi le xa rumal i Itzel, xaq i nim laj ucho'ab', ru' i Itzel kpe wi; uk'iyal nimaq taq il, xaq uk'iyal taq retalil chi lik qatzij taj ku'ano. Is ku'an ronojel taq i utz taj, kut'orb'ej ke i winaq. Xwiri, ni'pa i keut'oro, xa je are ike chi xkaj ti ukojik i saq laj tzij; re i k'aslemal chi kk'is ti chik.

Ni'pa taq i utz taj, ya ujeqom chik i anik ani'al, xwi chik roy-em relsaxik i jun chi wo'or u'atim.