Popular Bible Verses from लूका 3

Share

जब सब लोगून का बपतिस्मा लीन बाद यीशु ले बपतिस्मा लीभेरन प्रार्थना करून मरेछ्या, तो स्वर्ग खुल ग्यो। और पवित्र आत्मा कबूतर का समान यीशु का मलि में उतर छै, और स्वर्ग भटे परमेश्वर ले क्योछ, तैं म्येरो लाड़िल च्योलो छै। मैं तैं है भौत खुश छूँ।

तब यहूना ले उनेरि बात जाणिभेरन उन सबूनथैं क्योछ, मैं त तुमून पानि ले बपतिस्मा दी छूँ, लेकिन जो उनवालो छै, उ मैं है महान छै; मैं इसो लाकारी को ले नाहातिनू कि उको सेवक बनभेरन झुकभेरन उको जूताका खोलि सकू। मैले त तुमून पानि को बपतिस्‍मा दीछ, लेकिन उ तुमून पवित्र आत्मा ले बपतिस्मा द्यालो।

येक कारण भल काम करभेरन सबूत दी, कि तुमून ले सच्ची में पापून है पश्चताप कर है छै। और अपून-अपून मन में यो जन सोचा कि हम अब्राहमा का वंशा का छा कि हम बच ज्यूला। क्याखिनकि मैं तुमूनथैं कुछूँ कि परमेश्वर इन ढ़ुगान भटे अब्राहम खिन सन्तान पैद कर सकछो।

अब बात इसी छै कि परमेश्वर हरेक स जो अपून पापून है पश्चताप नै करून चानो, ऊस सजा दीन खिन बिलकुल तैयार छै। ठीक उसीकैं जसीकैं बनकाटो रूखून का जाड़ में राखिना को छै, येका कारण जो-जो रूख निको फल नै लियून, उ काटि जालो और आग में डाली जालो।

जसो परमेश्वरो को संदेश दिनवाला यशायाह की किताब में लिखीना को छ्यो, कि उ बिरान जागान में रौलो, और लोगून धध्या-धध्याभेरन यो बतालो, कि प्रभु परमेश्वरा का उन खिन तुम तैयार हो ज्या और उन बाँटान ठीक करून जैमें भटे हो भेरन उ उनवालो छै। हरेक घाटी भर दी जालि, हरेक डाँण-काँणा नीचा करि जाला, और जो टयाड़ा बाटा छन उन सीधा करि जाला और जो बाटा ऊबड-खाबड छन उन बराबर करि जालो और सब लोग मुक्तिदाता को दर्शन करला, जैस परमेश्वरा का तरफ भटे मुक्ति दीन खिन भेजि रैछ।