Popular Bible Verses from Luka 9

Share

Nave Yowo álocha wa othene, Mutchu ákhwelaka orwa vachuli vaka, írohe mekhiye, íreye mwikimanyo awe nihiku n’nihiku, akitchare Miyo.

Vawi mutchu yowo anakhwela ovulusha okumi awe, anarwa‐ariha yola; nyenya mutchu yowo anariha okumi awe, ntakhara a Miyo, anarwa‐avulusha yola.

Nyenya Yesu áhi wa yowo, Havovo mutchu aphanre ehipa etokwene, anaweha’tho sochuli, anaphwanela Omwene wa Muluku.

Vawi mutchu anarukunushelani, íphwanyerya elapo yothene ya vathi íriha’vo akhweya oliva’vo okumi awe?

Vawi mutchu yowo anúliwa muru ntakhara a Miyo ni masu aka, Mwana a mutchu anarwa‐úliwa muru ntakhara a Yowo, aniriye aphiye ni nchichimiho nawe n’na Atithi, n’na angelo awéla.

Nave Yesu áhi wa yowo, Ananthala arino mihikhwe, ni ipalame sa wirimu ipuru, nyenya Mwana a mutchu hanono vohamela muru.

ii wa yawo, Mutchu yowo anákhela mwámwana ola mu nsina naka anákhela Miyo; nave yowo anákhela Miyo anákhela Yowo ákirumme Miyo: vawi yowo ókhala mukhanikhani a nyuwo othene, yola ti mutokwene.