Popular Bible Verses from Luka 3

Share

Nave vári atchu othene yábatisiwaya, nave Yesu’tho ábatisiwa, nave arikimvekela, wi váhuleya va erimuni, nave Munepa Wawéla ákhuruwa ni woneya wa mwíli awe wi ntoko epompa, arwa va Yowo; nave mwákhuma masu mwirimuni, wi, WEYO Wá MWANAKA ÓSIVELIWA, MWA WEYO KINNAHAKALALA.

Yohane áhákhula, alocha wa othene, Miyo tchiri kinobatisani nyuwo ni mahi; nyenya ókipwaha miyo ikuru anamórwa, yowo nkinaphwanela otaphula mukwáchala wa isapato sawe; Yola anarwa‐obatisani nyuwo ni Munepa Wawéla ni moro

Ntakhara awe imihani nyuwo sawima sophwanela otcharuwa murima, nave muhipacherye olocha mwa nyuwo mekhinyu, Atithihu n’rino ti Abrahamu: vawi kinalocha wa nyuwo, wi Muluku arino ikuru, mwa maluku ala, ovíherya Abrahamu anamwane.

Nave’tho hihano vava epaso yohiyathiwa va mutatharini va miri; wawihihá mwiri wohíma yawima yaphama onúhiwa, ovonyiwa va moroni.

ntoko wárempwa mu ekarata ya masu a Yesaya mulipa‐miririmo, wi, Masu a ókhuwela mu’takhwani, Ryeheryani nikhwála na Apwiya, Lukamihani iphiro sawe. Mipopa yothene enarwa‐esareya, Nave miako yothene ni mioko yothene enarwa‐ekurushiwa; Nave sokhoromana sinarwa‐sikhala sawokowa, Nave sowoma sinarwa‐sikhala iphiro sawurule?-?liwa; Nave atchu othene enarwa‐yona ovulusha wa Muluku.