Popular Bible Verses from San Marcos 14

Share

Jesús tʌn yei'k bex: «In Tetech K'uj, tech k'ucha' a muk' a laj metik tu woro a ba', luk'se a je' in muk'yaj a ku bin tar ten, chen ma' metik a baiki in k'at a ten, lʌji' a metik a to'o a tech a k'at.»

Muk'te'x a wene'x y t'ʌnex K'uj, ti' u chixta a muk'e'x ti a muk'tik a baij ku tar ti' teche'x. A pixane'x u k'at, chen a bʌk'e mu chich u muk'.

Jach taj kin wei'k teche'x, tuku tsikbʌta' u jach tsoyi u t'ʌn K'uj ch'ik tu woro a lu'm, bexi' je'e u tsikbʌta baij tu meta a je' a ch'upra ti' u k'asa'.

Kaj u ya'tio': ―Ne mo' tsoy in wor, ki wui'k in bʌj binikaj kimi, p'atene'x way y muk'te'x wene.

Tʌn u jʌno', Jesús tu chuka' jump'eri' pʌn y tu ya'a, baij tech K'uj, pachi tu p'uya tio' u kʌ'sa winik, y tu ya'a: —Chuke'x y jʌnte'x, a je' lʌji' in bʌk'e.

Pachi tu mʌcha jump'eri' luch yete u yʌki a menʌ' u ya'ri nukuch ts'us (uva) y tu ya'a: baij tech K'uj, pachi tu mʌsa ti u kʌ'sa winik y tu woro tu laj uk'o'. Y tu ya'a: A je' lʌji' in k'ik'e a ti' u ts'ek tumen u kataor, a je' a k'ik'e lʌji' ti u sa'sa' ne ya'p u si'pi a winik.

Jesús tu ya'tio': Tu woro a teche'x bin a p'ʌtene'x a beje' ak'bi, bex ts'ibʌ' yok'o u t'ʌn K'uj ku yei'k: Bin in kinse a pastor, y uj me' bi u laj k'itubʌj.

Lik'ene'x, ko'xe'x, tʌn u xok'o a mok ku bin u k'uben.

Jesús tu ya'ti' Pedro: —Jach toj tu jay kin wei'k tech, mo' toj k'ainʌ'k u ka wʌts' aj t'er beje' ak'bi, tech oxp'e wʌts' ka bin a wei'k ma' a k'ʌ'omen.