Popular Bible Verses from San Lucas 8

Share

A u nek' a trigo a juti tu tsoy lu'm, la' bex a ku yui'k u t'ʌn K'uj y ku ch'ei'ko' tu pixʌn y ne ya'p ba' tsoy ku metko' y ne tsoy u tuko'.

A u nek' a trigo a juti yok'o k'i'x la' bex a ku yui'ko' u t'ʌn K'uj, chen muj cheik u k'axa' u tuku ten u t'ʌn K'uj toj jai' ku tukriko' u tenetik más tak'in y u tsoyta u yoro' yok'o a je' a lu'm, y mix ku tsa'ya u wich.

A u nek' a trigo a juti yok'o a tunich la' bex a ku yui'ko' u t'ʌn K'uj y tsoy u yoro' ku ch'ei'ko' tu pixʌn, chen a jeo' mʌnʌ' u mots; mu xʌnto', tuk'in ku tunta' u yor, ku p'ʌtik u t'ʌn K'uj.

Y Jesús tu ya'tio': —¿Maj ki akse'x ta wor ti ten? Chen tio' ne sajako' y ne peknʌ u yoro', tʌn u yei'ko' yete u bojo': —¿Moki a je' a xi'ra, a ku yua u t'ʌn tia ik' y au nukuch yʌ'mi tuk'in ku li'sik u t'ʌni ti'?

A to'o juti yok'o bej au nek' a trigo la' bex a ku yui'ko' u t'ʌn K'uj, chen ku tar a kisin y ku takik tu pixʌn, ti mu' ch'eik u t'ʌn K'uj y ti' mu' taka' ten K'uj.

Tu woro a ba' taka' binukaj laj e'sa' baiki, y tu woro a ba' a mo' naj aʌ' binukaj eta' baiki

A ch'upra ka tu yua mo' bik u ta'kik a ba' tu meta, laj peknʌ u bʌk'e ij tari tu yʌn a Jesús y tu xonkitubʌj ti', tu laj a'a tu pimai biken tu tʌra u nok' a Jesús y bik toj se'p' ch'eni. Jesús ka tu ya'ti' a ch'upra: —In ch'upra in ti'ech, tu ta ki' aksa ta wor ti ten lʌji' tuj ch'enech, tsoy a wor a bin.

Ij bino' u yʌso' a Jesús y tu yao' ti': —¡Wʌjkʌ'si, Wʌjkʌ'si, tʌn ak juru! A Jesús lik'i y tu xura a ik' y u nukuch yʌ'mi a ja', y ts'o'ki u tar.