Popular Bible Verses from Tito 1

Share

Cu ya'alico'obe' u kaj óolo'ob Ku, ba'ale' tu yo'olal ba'ax cu beetico'obe' cu yila'al ma' jaaji'; tumen j p'ecbe'eno'ob yéetel j ma' u'uyaj t'aano'ob, jach jun puli' ma' tu páajtal u beetico'ob mixba'al utz.

U ti'al le máaxo'ob sac u tuuculo'obo', tuláacal ba'al sac; ba'ale' u ti'al le máaxo'ob ma' tu yocsaj óolo'ob mix sac u tuuculo'obe', mixba'al sac; tumen tac u tuucul yéetel u na'ate' pa'apa'ako'ob.

Unaj u p'áatal tu tzéel le jaajil t'aan j ca'ansa'ab ti'o', u ti'al ca páatac u líiksic u yóol u láako'ob yéetel jun p'éel ma'alob ca'ansaj, yéetel u sutic u tuucul le máaxo'ob cu t'aano'ob kaaso'.

Tumen le máax yaan u meyajil obispo ti'e', kubenta'an u ba'aluba'ob Ku ti', le o'olale' kabéet u bisic jun p'éel toj cuxtal. Ma' unaj u cáaltali' mix u caxan ba'ateli', mix u dzíiboltic taakin ma' ma'alob náajalta'anili'. Ba'ale', ca u kam u'ulabo'ob tu yotoch, ca u yaabilt ba'ax utz, ca tuuculnac ma'alob, ti'ibil u yóol, j quili'ich yéetel u su'ukintmubáa.

Jun túul ancianoe' kabéet u cuxtal jach je'el bix unaje' u ti'al ma' u yantal tu'ux u ke'eyel, dzoca'an u beel chéen yéetel jun túulili' co'olel, u palalo'obe' unaj j ocsaj óolo'ob, yéetel ma' taca'an u poolo'ob tu yo'olal kaakas cuxtalil wa tu yo'olal x ma' u'uyaj t'aanili'.