Popular Bible Verses from Génesis 15

Share

Abrame' tu yocsaj óoltaj u t'aan Yuumtzil, tu yo'olal lelo' j ka'am Abram tumen Yuumtzil bey aj ti'ibil beel wíinique'

Cu dzo'ocol lela' Yuumtzile' tu t'anaj Abram ichil jun p'éel náay ca tu ya'alaj ti': Abram, ma' a ch'i'ic sajaquil tumen teen a aj canan. Bíin a kam nojoch utzil.

Yuumtzil túune' tu bisaj Abram táancab ca tu ya'alaj ti': Pact ma'alob le ca'ano', xoc le eeko'ob, wa cu páajtal a xoquico'ob. U'uye, bey bíin ya'abac a ch'i'ilancabilo'.

Yuumtzile' tu núucaj ti': Le máax bíin ti'altic ba'ax yaan teche' jach a paal ma' yanal máaqui'.

Ca túun j a'ala'ab ti' tumen Yuumtzil: Unaj a wojéeltic, a ch'i'ilancabilo'obe' bíin cajlaco'ob táanxel lu'umil, te'elo' bíin palitzilta'aco'ob, bíin loobilta'aco'ob xan cuatro cientos ja'abo'ob.

Ba'ale' Abrame' tu núucaj ti': Ku Yuumtzil, ¿ba'ax u biilal teen ca a dzáa teen bo'olal, wa jach a wojel mina'an in paalal? Tu yo'olal ma' a dzáa teen mix jun túul in paali', Eliezer le j damascoil, jun túul ti' in palitzilo'ob leti' bíin ti'altic tuláacal ba'ax yaan teen.

Ti'ili'e' kiino' Yuumtzile' tu beetaj nup t'aan yéetel Abram, ca tu ya'alaj ti': Le lu'uma' bíin in dzáa ti' a ch'i'ilancab, líikbal tu yáalcab ja'il Egiptoe' tac tu nojoch áalcab ja'il Éufrautes.

Cu dzo'ocol u máan can yáal ch'i'ibale', a ch'i'ibalo'obe' bíin suunaco'ob ti' le cúuchila', tumen ma' u chuc u máan tip'a'anil u loobilo'ob le j amorreobo'.