Popular Bible Verses from Colosenses 2

Share

Le o'olale', je'el bix ta kamile'ex Yuumtzil Jeusucristoe' bey j unaj a cuxtale'ex nupa'ane'ex ti' leti', a dzaamaje'ex u mootz a cuxtale'ex ti' leti', chich paka'ane'ex ti' leti' yéetel jeedzel a wanile'ex ti' le ocsaj óolalo', je'el bix ca'ansa'abic te'exo', táan a dzáique'ex nib óolal ti' Ku mantadz.

Canantaba'ex ma' a cha'ique'ex a bisa'ale'ex tumen le máaxo'ob u káat u tuse'exo'ob yéetel lu'umcabil tuuculo'obo' bey xan yéetel t'aano'ob chéen cunelo'obo'; tumen leti'obe' ma' táan u ch'a'ico'ob u muuk ti' Cristo, ba'ale' ti' u ca'ansaj máaco'ob yéetel ti' yóokolcaabil tuuculo'ob tu yóokol le ba'alo'oba'.

Te'exe' ti' le kiino'ob dzo'oc u máano'obo' quimene'ex ca'ach ti' a kebane'ex yéetel ti' a x ma' súutkuptaje'ex; ba'ale' beora' Kue' dzo'oc u dzáic te'ex cuxtal jun múuch' ti' Cristo, iquil u sa'atsilac tuláacal a kebane'ex. Kue' tu tupaj le p'aax yaan t contra ca'acho' yéetel cu xot kintico'on ca'ach tu yo'olal le ba'alo'ob cu dzáic ti' to'ono'. Tu xu'ulsaj le p'aaxo' iquil tu bajilac ti' le cruzo'.

Tumen tuláacal u chuca'anil Kue' ti' caja'an tu wíinclil Cristoe'. Te'ex túune' utzil chuca'ane'ex tumen nupa'ane'ex ti' Cristo. Leti'e' u pool tuláacal jalachil yéetel páajtalil.

Bey túuno' mix máac ca u ya'al te'ex ba'al tu yo'olal ba'ax ca jaantique'ex wa ba'ax ca wukique'ex, wa tu yo'olal u kiinil kiinbesajo'ob, túumben lunaob wa u kiinilo'ob je'elel. Tuláacal lela' chéen u yoochel le ba'ax bíin taalaco', ba'ale' u jaajile' Cristo.