Popular Bible Verses from Málkúsi 6

Share

Pɔ́ zɛ́t éwú, epuɔ tɛ nzáne é nɔŋ eshʉ̄ʼɛ ńjʉ́ɔ á Yɛɛ́so: wɔ nɔŋ ŋgʉ̄ɔ, wɔ nɔŋ ŋkɔ́ʼɔ, tɛ pɔ́ a meziŋ‑ntō pí, é té wɛ̄ njhʉ̄ zīi, pɔ́ gɔ elɔ̄ɔk ḿpfɛ́t azō ɔ́. Yɛɛ́so á lé á mbū pɔ́p ŋ́gɛ: «Pɛ eshʉ̄ʼ, ḿpɛ efwɔ̄ʼ nnɛ̄t, éfāʼ ajʉʼ zīi, ŋiŋ a te éwú ú, pɛ ezwīte éwú. »

Yɛɛ́so á lé á mbū pɔ́p ŋ́gɛ: «Mɛ́ wuʼteē á ntswi‑ŋke Ndém ejʉʼ tsem, tɛ cʉ́ʼ á alāʼ pɔ́p. Mɛ́ waák á yí wáke á atseŋ ŋgyā pɔ́p, mbɔɔ á mba pɔ́p. »

Yɛɛ́so á kó éwú, ńtó á ntē akɛnūʼ, ńjʉ́ɔ atʉtʉ epuɔ mɛ́t, mezeŋɛ mɔ́p é kú á yí tɛʼ, melaʼ mīi pɔ́ lɛ éwú páʼ memvhō mīi, é té á mpfɛnne wɛ̄ɛ lā. Á zi á lezīʼne á wɔ́p menu tɛ nzáne.

Á gɔ gɔɔ́, tɛ Yɛɛ́so a te kūʼ á leghʉ tsɔ taʼ ŋkʉʼne anu éwú ú, ńdaʼ páʼ, a le zapá mbū mí á athū megaŋ agɔ tsɔ méshɔ́ʼɔ́ lɛ́, pɔ́ te. Á kʉʼne á Yɛɛ́so tɛʼ, páʼ pɔ́ ka fɛ́ nnɛ̄t ŋgyá mé yí í. Yɛɛ́so á fhó éwú, ńzī á lekʉ̄ʼne ánɛ mekap alāʼ á eshhʉ̄ ajʉʼ mɛ́t, ńnɔŋ nzíʼnɛ epuɔ.

Yɛɛ́so á tswí mblɛ jɔ̄ ntāʼ táa pɔ́ mesōh mwɔ̄ ntāʼ pīa, ḿbʉ́ʼɛ menēk mí ncʉ̄ lephū, ésyákne á Ndém éwú. Ḿbwɔ́ʼte mblɛ ŋgyá á mbū megaŋ nnɔ pí ŋ́gɛ, pɔ́ egāpte á mbū alāʼ. Á gapte azí mesōh ntāʼ pīa á mbū epuɔ metsem. Awíɛ awíɛ á pfɛ́t tɛ nzwɛ́t. Mɛ́ lakte epwɔ̄ʼ mblɛ tsīi, é vuʼɔ pɔ́ mesōh, é ló metúŋ ntsɔp pīa mé legēm.