Popular Bible Verses from Jáaŋ 3

Share

Ndém a le pú ŋkɔŋ epuɔ menɔŋ kɔŋ, tɛ ŋgyá á Méŋ yi, á tséŋ Méŋ yi, ŋ́gɛ ŋiŋ ntsem yīi, a á fɛ́ nnɛ̄t ŋgyá á mbū yí, a te eláʼ epí í, a a láʼ eta á lezēŋ Ndém.

Ndém a lɛɛ́ te ntúɔ́ á Méŋ yí á ndo esī atsetsáʼ ŋ́gɛ, a eshʉʼ nzáʼ ntsaŋ epuɔ menɔŋ ɔ́. A lɛɛ́ ntúɔ́ á yí ŋ́gɛ, epuɔ menɔŋ e eláʼ nzápa á nzem yí, ńtswɛ́t.

Yɛɛ́so á pwɛt á mbū yí ŋ́gɛ: «Kwaʼ anuúnē anuúnē, meŋ shúŋɔ á wú ŋ́gɛ, mɛ́ gɔ te zhí á ŋiŋ leswhī leswhī ɛ́, mbɔ a gɔ le kó á ntē Lefɔ Ndém ɛ́. »

Ŋiŋ a fíɛ́ nnɛ̄t ŋgyá á mbū yí, mbɔ a gɔ le pí asāʼ á mvhɔ Ndém ɛ́. Ŋiŋ a piŋɛ te fɛ́ nnɛ̄t ŋgyá mé yí í, mbɔ a á ndáʼ mbí asāʼ, melaʼ mīi, a ka fɛ́ nnɛ̄t ŋgyá á mbū tséŋ Méŋ Ndém ɛ́.

Pɛ eké njʉ́ɔ á ajū mīi á ghʉ̄ʉ, ŋiŋ a pí á asāʼ á mvhɔ Ndém. A lē ntó ŋkaʼ á ŋgɔŋ ega, epuɔ menɔŋ é si mbiŋɛ kʉ̄ŋnɛ, ŋ́kāŋa áa nzém, melaʼ mīi ŋghʉʉ́‑enu tsɔ́p é té pɔŋ.

Á si nzɛ́ttɛ ŋ́gɛ, anu zí a etswhí ŋgʉ̄ɔ mé mvhɔ, azá a epīŋ mé nzem.

Ŋiŋ yīi, a ghʉʉ̄ anu tepɔŋ, a á páʼā, ńdɔkɔ te ŋkɔ̄ŋɔ ŋkaʼ á. A te kɔ̄ŋ á yí á leziŋ á ajʉʼ zīi, ŋkaʼ é éwú ú, ḿbɔ́k ŋkaʼ á lekɛʼɛ ŋghʉʉ́‑enu tsí.

Ŋiŋ yīi, a fɛɛ́ nnɛ̄t ŋgyá á mbū Méŋ yi mɛ́t, a á ndáʼ nzī á leta á lezēŋ Ndém. Ŋiŋ yīi a te si njúʼɔ nchu Méŋ yi mɛ́t ɛ́, a te e fú ewɛ lenāŋ cʉɔ mɛ́t ɛ́. Ndém a naáŋ efʉʼ metsem, ńzáŋ á lɔ́ŋ á mbū yí. »

Ndeŋ ndeŋ páʼ, Mɔɔ́sɛ a le cuŋtē nnū, ŋ́kwɛ́t ánɛ athʉ́, ŋ́kɔ́ʼne nzēk á késáatswɛt lā, á mbɔŋ ŋ́gɛ, mɛ́ ezéŋ ŋkɔ́ʼne á Méŋ‑Ŋiŋnɔŋ wuɔ épúp.

Mɔʼɔ́ yímpɛ Ndém, a kɔɔ̄ŋ á Méŋ yi, mbɔ a le pīŋ ŋgyá ajūɔ ntsem á mbū yí.