Popular Bible Verses from Jáaŋ 15

Share

Meŋ á si ŋgɔ́ páʼ athʉ́ lā, pɛ gɔ́ páʼ mbū athʉ́ mɛ́t lā. Ŋiŋ a temtɛ nnɛ̄t zi ánɛ eza, meŋ etēmte eza ánɛ ezi, mbɔ ŋgaŋ a ghʉ menu membɔŋ e ezáne. Ḿpɛ mé gɔ́ te gɔ nnɔ ɔ́, mbɔ pɛ gɔ le kūʼ á leghʉ tsɔ azō ɔ́.

Apū athʉ́ á gɔ́ te lɛ̄tne ánɛ athʉ́ ɛ́, mbɔ yí méŋwɛ̄t á gɔ le ntá zém. Ndeŋ ndeŋ épúp, pɛ gɔ te tēmte nnɛ̄t zɛ ánɛ eza á, mbɔ pɛ gɔ le ntá zém. Púp, pɛ etēmte nnɛ̄t zɛ ánɛ eza, páʼ meŋ temteē nnɛ̄t za ánɛ ezɛ lā.

Pɛ temtɛ nnɛ̄t zɛ ánɛ eza, ashuŋne zá á gɔ́ á ntē pɛ, pɛ lɔ́ á ajū mīi pɛ é kɔŋ, mbɔ Ndém a a yá mé pɛ.

Pɛ mé lɛ te gá kaŋ, meŋ mé le tsɔ́ʼ á wɛ́, ńchʉ́ á wɛ́, ŋ́gɛ pɛ egʉɔ nzém ntá mbɔŋ, ńtá mbɔŋ zīi é náŋa náŋa. Tɛ́ ajūɔ tsem zīi, pɛ é lɔk lezēŋ tsá ndɔ́ á Mɔʼɔ́ ga, a eyá á mbū pɛ.

Ŋiŋ a te éwú tɛ ŋgwɛ̄ ŋkɔŋ, ńtɔ́k á ŋiŋ yīi, a yaá athū nnɛ̄t zí melaʼ epuɔ pīi, a kɔɔ̄ŋ á wɔ́p ɔ́.

Apū athʉ́ tɛ ntɔ̄ʼne ánɛ meŋ, ḿbiŋ nnɔ̄ŋ te nzémɛ ntá á, a kʉɔ́ʼē. Azi á si nzémɛ ntá, á cuŋte ŋkíŋte ŋ́gɛ, a etswiʼne nzém á mbɔŋɔ́.

Pɛ ewɛ̄ ŋkɔŋne á tsetsɛlɛ pɛ nzeŋne zeŋné, ńdeŋ ndeŋ páʼ meŋ kɔɔ̄ŋ á wɛ́ épúp, é páʼa ŋgɔ́ lepé tsá.

Ajū mīi pɛ gɔ eghʉ̄ʉ, ńdɔk ntswī páʼ shʉ́shɔ́k Mɔʼɔ́ ga, a á épúp, á si ŋgɔ́ á wɛ́ á lezēm ntá mbɔŋ tɛ záne, púp, ńdɔk ŋgɔ́ megaŋ nnɔ pá.

Yɛɛ́so á zéŋ ndé ŋ́gɛ: «Meŋ á si ŋgɔ́ á kwaʼ athʉ́ lɛzɛŋ, Mɔʼɔ́ ga á gɔ́ ŋiŋ yīi, a túŋnɛ ŋkāʼ methʉ́ lɛzɛŋ mɛ́t.

Ŋiŋ a gɔ te tēmte nnɛ̄t zi ánɛ eza á, mbɔ a a cʉ́ʼ páʼ mbū athʉ́ mīi, mɛ́ é maʼ á apɛ́, é zó, mɛ́ pɛ́ ntɔ̄ á mmók, é shhʉ́ lā.

«Meŋ shúŋɔ á wɛ́ emuɔ menu, ńdɔkɔ ŋ́gɛ, lekāk tsīi é ntē meŋ, e ezéŋ ŋgɔ́ á ntē pɛ, ŋ́gɔ́ éwú tɛ ntsékne.

Pɛ ziŋɛ páʼ meshuŋne má é si ndʉ́ɛ́ épúp, mbɔ pɛ etemte nnɛ̄t zɛ ánɛ eza, éjʉ́ɔ páʼ meŋ kɔɔ̄ŋ á wɛ́ épúp, ńdeŋ ndeŋ páʼ meŋ ziīŋ páʼ ashuŋne Mɔʼɔ́ ga á leé épúp, ńtēmte nnɛ̄t za ánɛ ezi, ńjʉ́ɔ páʼ a kɔɔ̄ŋ á gá épúp.

Ajū mīi meŋ á si nzɛ́ttɛ á wɛ́, á si ŋgɔ́ á légɛ, pɛ ekɔ̄ŋne mennɛ̄t mɛ́ nzeŋne zeŋné.

Pɛ é ŋgwíʼe ŋgɔ́ epuɔ ŋgɔŋ puɔ, mbɔ pɔ́ kɔŋ á wɛ́ tɛʼ, melaʼ mīi, pɛ a pɔ́p mé nnɔ. Pɛ piīŋ te epuɔ ŋgɔŋ puɔ ɔ́. Meŋ nde tswhī ŋkaŋ á wɛ́, éfhó á nnɔ epuɔ ŋgɔŋ puɔ efók á wɛ́, é melaʼ épúp, tɛ́ pɔ́ paā á wɛ́.