Popular Bible Verses from Malakus 10

Share

N təŋkey, kasə Waa wù sɔŋtsuʼ, tə â ka bə dzə fa n mbi nə̀ ghə̂ a fwaʼ tə̀ wi, tə â bə ni bə fwaʼ tə̀ ghə̂ ghə adzəm nsə ni bə fuu muu i wi ni kùm shi fə̀ŋ tə ndəmə aghə̂.”

Yeso n laalə tsəghə ndòw ghə dza nə̀, “Ghəə ghən a way ni bwey n daʼa kə wù sɔŋtsuʼ, a loʼ kə n daʼa K-a-zə̀, n tənkey, ghə i loʼ way i loʼnə ni tsəghəshi Kəzə̀.”

Yeso n dza ndòw tə̀ wi nə̀, “Bəghəm i fə̀ŋ zə zə̀ n wɔ baŋŋə.” Sə̂ a wi ghə n daŋŋə chi kɔʼ, tə n kaʼ ndòw ni koʼ təluʼu, nuu ndòw n baa Yeso.

Sey, fə key Zə̀ kə təm dzəŋinə, kə̂ wù nə dzawwənə.”

Yeso n laalə ndòw wi n ləghə zə n fə̀ŋ, dza tə̀ wi nə̀, “A bow səə kə ighəə imɔʼ tə̀ wɔ ni ghəŋə. Ndòw fìi may tsu fə wə wə̀ udzəm, wə fuu nuu ndòw khəə u tii wə tə̀ ghə̂ a laa ghə, wə i keeli ikûm idəŋ. Abə wə ghəŋə tsu sey, wə daŋŋə bə dzûmə bə mə.”

Yeso n bəb ndòw tə̀ wi nə̀, “Wə̀ ləghə nə̀ n ghəŋə tsu ghə i ghaa zə tə̀ wɔ ə?” Tə n dza tə̀ wi nə̀, “Wù dii, N ləghə ni kəm koʼ təluʼu.”

À wən way dzə nghee i khənə ni doʼo ghi ghaa. Wù wey tə ləghənə ni doʼo wù nii n fəŋŋə kə ghaa khə ni loʼ tə̀ a loʼ wù kəfwaʼ tə̀ ghaa adzəm.

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Ndəmə ghə̂ ghey ghə kee loʼnə isə̂, ghə i bəghə doʼlə ibam, a ghey ghə loʼnə ibam ghə i bə doʼo kəsə.”

A kee loʼ nə̀, tə mbi a nə kaʼnə, nəŋə zey Zə̀ kə â bɔmnə mbi nə, I tɔ̀ɔ doʼo n màʼlə K-a-zə̀ nə̀ ‘Zə̀ kə a ghəŋə ghə weyzən ghi weynum.’ À wən loʼ ghə i tii zə, ‘Weynum zəghə tsuunə bày wi ghi nay wi, tə n təmdzəŋi ndòw uwû ghi wey wi. Tow u ghə ubəghə, ghə i doʼo bə kəfə kəmɔʼ. Ghə kəm way dzə aghə̂ abəghə, ghə fəd loʼ kəfə kəmɔʼ.’