Popular Bible Verses from Kəfwaʼ 5

Share

Pita nsə ngəd tə Yeso tə loʼ tey n beeli ndow ghə nə̀, “Ghey teeli zow kə tə̀ Zə̀ kə, à way dzə tə̀ wù sɔŋtsuʼ!

Ghə n ka buu doʼo koʼ ni dii aghəə nsə ni naʼlə tûm i dzuŋu zə nə̀ Yeso loʼ wù wey Zə̀ kə â dza naŋa nə̀ i tûm bənu. Ghə n dii ghəə ghən tsuʼu ndzəm n bii kə dzəŋi kə ndaw Kəzə̀ n Yerosalem nsə ndaw tə ndaw.

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə? Tə wɔ ni tsəm ni bə fii luʼu kə tii kə, a loʼ nə â way luʼu kə ə? Ambə wə fii tsunə, khəə u tii wə â way khəə wə? À wɔ chimmə kee nə wə keeli ndzoʼo moʼlə zey n fə̀ŋ zə ə? Wə ka ghəə a bad dzə tə ghey, wə fəd bad tə Zə̀ kə.” Ambə Ananyas zow tsu ghəə zən, tə n bwu bə aghəd, kpu i ndow. Tsəŋ zə n kwu ghə̂ ghey adzəm ghə â zownə ghə zey i shinə ghi Ananyas.

Abə n saʼ zən saa khənə nya fa, n tsəə bə ghaa nə̀ ghaa zəghə maʼa ghə̂ ghən. Zəghə na ghə, ghə ndow nuu, n təŋkey, abə i loʼ nə̀ ghə fwaʼa fwaʼ kən n daʼa kə wù sɔŋtsuʼ, zə i maŋa bə may soʼo kənunu. Abə a kee loʼ nə̀ a loʼ n daʼa K-a-zə̀, ghaa i way dzə ni buu naŋa ghə. Nə ghaa dza i buu naŋa ghə nə kədaʼa, ghaa i koʼ kə nə ghaa bənə zuulə baalə ghi Zə̀ kə.”