Popular Bible Verses from Kəfwaʼ 2

Share

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Ghə n gbələ zow fə kə loʼ kə fuŋu tsuu bə nə n bikighow tə a loʼ zəŋ i taw zə i kwɔ̀ɔ tsuu bənə, bə luu ngəə tsəghə bə n ndaw zey ghə â doʼnə tii. Ghə n koʼ ndow fə kə loʼ kə tə a loʼ nyim kə uvələ, kə n dzawwə nyaʼa doʼo ndow n tow kə kay wù. Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀. Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

‘Zə̀ kə dza nə̀, n tsuʼu n guŋŋə mən, à wən loʼ ghəə ghən mə i ghəŋŋənə Mə i fuu Zay kuŋ tə ghə̂ ghə adzəm. Waa a ghaa a num ghə nsə a zən ghə i naʼlə ghɔɔmə zuŋ zə. Ghaŋ fə num fə i koʼo zey ghəə ghə, Ghə̂ a dənə ghə i keeli jim mə.

Ghə̂ ghey adzəm ghə a bəghəm nə tə Yeso n loʼ n fə kəmɔ̀ʼ, ghə n dzəŋi dzawwə fə wey udzəm ghə̂ khənə n wû i ghə. Ghə n fiilə fə wey ghə â khənə, ney khəə u tii wə dzaw fu ndow tə ghə̂ ghey ghə laʼanə fə kə.

Wù wey tə i tɔŋɔnə zəd i Mûkəbii zə nə̀ tə gaamə wi, Zə̀ kə i bəghəshi wi.’”

Ləm kə i nuu bwu tsu inaʼ, tsə i kəm taw way, Ndzɔŋ i nuu bàŋ doʼo tsu tə a loʼ təkaŋ. Tə tsuʼ fə nii nii fey Mûkəbii i saʼanə mbi tii ni bə, a i loʼ nə̀ ghəə ghən adzəm n ney dzə bənə kə.