Popular Bible Verses from Kəfwaʼ 11

Share

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm. Banabas â loʼ wù dzuŋu, Zay kə Zow kə n loʼ ghi wi naʼ idzəm, tə n ngii khə soʼo bəghəm i fə̀ŋ. Sey, tə n loʼ ni naʼa tûm i dzuŋu zə n jìi zey i ghəŋŋənə nə̀ ndəmə aghə̂ a kweyyə nuu bə n ghəə a bəbə ghə, ghə bəghəm tə Mûkəbii.

Abə Zə̀ kə â loʼ ni fuu soʼo ghə̂ ghən ghə way ghə̂ a Təjuu ghə n naamə kə mɔʼɔ kən tə â fuunə tə saa ghən â bəghəmnə tə Mûkəbii Yeso Klisto, n laa loʼ ndee ni buu naŋa Kəzə̀ nə ka fwaʼ fwaʼ kə wi kə?” Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”