Popular Bible Verses from Mak 10

Share

Mbɔʼnga ka de mwɔ Ŋwɔ Gho à ke me zeʼe kpe e fwɛʼ énde bo, à zeʼe é fwɛʼ ebe bɔ é ndɛ̀ʼ etyê mɔ é lɔɔ bɔ akɛkɛ.”

Yeso kede angɔ è ga kpe, ene egha gho e we kɔrɔ, bɛʼngɛ tsɛʼ ebwa deʼ e me kɔrɔ ebe Ngwe bo. Abwa gimkpaʼ ye zamma ebe Ngwe.

Yeso kpe, “Ngɔɔ, ebɛrɛtaa njɛ shi gli awɛ.” È sa mɛ̀ɛrɛ̀ eklo aghɔɔ ngɔ fuʼ, è sa zɔ akwâ, è nyɛrɛ kiri Yeso anji aŋu.

Éngɛ gho deʼ ke sɛʼrɛ ala yɛ Ngwe shi buumu afwɔbi ngɛ bo.

Éngɛ Yeso kede engɔ gɛ̀rɛ̀ doʼo engɔ, è ga ebe engɔ kpe, “Ebwa deʼ we nɔ eŋwàʼ wɛ ngwo ne shi le bo ngɛ. Ngɔɔ fɛ̀nnɛ̀ ela mbyɛ gimkpaʼ, ndɛ̀ʼ ekɛb ebe bɔ ndzaŋa, éngɛ ngwo wa ngo le àfɔ̀n ngwɛ ekere ezob, nyɛrɛ éngɛ ngwo shi zeʼe è kìrì angu.”

Yeso biiri ebe engɔ kpe, “Ngwo na ke kpe mmɛ le ene engɛ̂?” Àfò aghɔɔ wɛ ga kpe, “Àtee abwa, mmɛ wa ke é wu zɔ akwâ.”

Bɛʼngɛ, e ke ma ngo mwɔ éngɛ abwaʼ ndzɔn bo, ankɔmɔ éngɛ, egho wɛ è ma ke é mwɔ gho kɛ̀ abwaʼ ndzɔn ngɛ mwɔ gho afwɛʼ.

Mmɛ na gà éŋwaʼa é ndɔn, egho wɛ è ne ma ngo nu ebwa m̀fɔ̀ Ngwe na adɔ̀kpara nɔ bo, è ke ne yà nyii efwɔ bo.”

Bɛʼngɛ akɛkɛ byɛ e me tse embè enjitsɔ ngɛ, e yà ngùdu, angɔ byɛ e me ngùdu ngɛ yà fɔɔ shi embè.

Èndzobo chɛ, Ngwe à ndèerè ese ngɛ, à ndèerè anɔm mane aye. Ne ǹji yɛ anɔm ma sàarà àtɛ mɔ mane áʼɔ̧̀ mɔ, è bumu amɔ nè eye mɔ, éngɛ èfyee bɔnɔ ba ngo mwɔ ma gôb ekwa ŋwaʼ, nyɛrɛ éngɛ angɔ ke bli bɔ fyee bo, e shi ma gho ŋwaʼ.