Popular Bible Verses from Matyo 5

Share

Gho ke ma chɛ anâm è kooro ene ekuʼ bo. Bɛʼngɛ è na chɛ, è tɛʼ edɔm echud tɛʼ anâm é pɛ̀ɛrɛ̀ akwâ ebe bɔ gimkpaʼ a ndɔ. Nkirinkin, mbɔn pɛ efàarà bɔ ne ekɛʼ nɔ, mbɔʼtye angɔ zɔ abwa ǹchwɔ̀ ndzɔn, sa ghɔ Ngwe Àtɛ ngɔn ekere.”

Mbɔn ne mwɔ ne ekɛʼ ebe ese gimkpaʼ nɔ. Abɛ edɔm egu ka ne namma bo.

Ǹchwɔ̀ na abɔ byɛ ńtara angɔ me pɛ ngɛ, angɔ ba ngo zɔ Ngwe.

Ǹchwɔ̀ na abɔ byɛ e ma gwɔn chwɔ, fi̧ri angɔ ma fe é le abwa yɛ a me koʼro efàarà Ngwe ngɛ. Ngwe ya le angɔ nde zo.

Bɛʼngɛ, mmɛ ga mmɛ endɔn kpe doʼ bɔ m̀pɛ̀ʼ mbyɛ, tsaʼra Ngwe ato abɔ byɛ e ma nyìi awɛ ngɛ.

“Ǹchwɔ̀ na abɔ byɛ e me nɛɛ kpe ndzaŋa Azhwɛɛrɛ Ngwe ye bere angɔɔ ngɛ, ebwa m̀fɔ̀ ezob ne ebe angɔ.

Ǹchwɔ̀ na abɔ byɛ e ma le kpe bɔ tsɔmɔ ene m̀bwarambwad ngɛ. Ngwe ya ngo zɔʼrɔ angɔ ene bwɔ mɔ.

Ǹchwɔ̀ na abɔ byɛ e ma dè eku ngɛ, Ngwe ya ngo bɔŋɔ angɔ.

Ǹchwɔ̀ na abɔ byɛ bɔ ma nyìi angɔ mbɔʼnga e ma le ebwa wɛ e me koʼro efàarà Ngwe ngɛ. Ebwa m̀fɔ̀ ezob ne ebe angɔ.

Ǹchwɔ̀ na abɔ byɛ e ma klasɔn ene abɔ abê ngɛ. Ngwe ya ngo klasɔn ene angɔ.

Ǹchwɔ̀ na mbɔn byɛ bɔ ma ndwàʼ angɔn, nyìi angɔn, e ga m̀pèrè abwa bɔɔbɔɔ andɔɔ gimkpaʼ eto mbɔn mbɔʼnga mbɔn ma bɔ mbu ngɛ. Mbɔn tsɔʼrɔ è gɛnɛ angɔn, enga etɔ̧ɔrɔ kɛ́ ye endɔn ezob. Gɛrɛ na aŋu â nyíì bàmɛnɛkɔn Ngwe byɛ â dye, tye mbɔn sa zeʼe ngɛ.”

Ǹchwɔ̀ na abɔ byɛ e ma bwaara akwa àmɔ̀ ngɛ, angɔ ba le ala yɛ Ngwe shi tɔ̧ɔrɔ ngɛ

“Mbɔn ne mwɔ ne ńgbaa ebe bɔ gimkpaʼ efwɔ ese nɔ. Mala ńgbaa ne ma wa nàm bo, tsɛʼ aghɛʼ deʼ é le e wu nàm bo. E ke wu le afwɛʼ deʼ bo, à tye é tù bɔ sa da dzɛ̀ddɛ̀ ebla.

Mbɔn nara abwa mɛ̀ɛrɛ̀ na Àtɛ ngɔn ezob me nara mɛ̀ɛrɛ̀ nɔ.”

Ga ga anjɛ kpe ‘Ɔ̧̀ɔɔ’ kà ‘Keʼ,’ Ngwo sa zhiiri etsɛrɛ, e me zeʼe ebe Dɛbli.”

“Mbɔn shi zo aŋu â ga kpe ‘Gho toʼo eghɔɔ njɛ, toʼo éngɔ, gho chi eshwɔ njɛ chi éngɔ.’ Bɛʼngɛ enjitsɔ mmɛ ga endɔn kpe, ke ebwa bɔɔbɔɔ ato ebwa bɔɔbɔɔ gii, mala gho deʼ fɛ m̀pɛʼɛ abwo nde njɛ, tee eze shi è fɛ gɛrɛ.

Mala eghɔɔ abɛɛ abwo nde njɛ le kpe ngwo nyim ebwa, chi eghɔɔ yɛ waʼ. E we nara é nyiimi eklo ekwa bi è nyii efwɔ ebwa m̀fɔ̀ ekere fɔɔ é nɔ gho bibi è ngɔɔ nyii efwɔ edzɔwu yɛ e ne ma nyimi bo ngɛ. Nkirinkin mala abwo nde njɛ le kpe ngwo nyim ebwa, gɔ abwo yɛ waʼ! E we nara é nyiimi eklo ekwa bi è nyii efwɔ ebwa m̀fɔ̀ ekere fɔɔ é nɔ gho bibi ngɔɔ nyii efwɔ edzɔwu yɛ e ne ma nyimi bo ngɛ.”