Popular Bible Verses from Luk 4

Share

“Azhwɛɛrɛ Masakɛ ye mwɔ nè mmɛ, mbɔʼnga engɔ shi zhwaʼa angu kpe mmɛ sa sɛ̀ɛrɛ̀ ekɔn ǹchwɔ̀ ebe bɔ ndzaŋa, engɔ shi saa angu kpe mmɛ toʼro ebe bɔ dzɔm kpe â shi pweere angɔ, gɛrɛ tòʼrò ebe àfò aghɔɔ kpe angɔ zɔ akwâ, gɛ̀rɛ̀ zɛɛrɛ abɔ ngɔ byɛ e ma ngbèdè angɔ ngɛ. E gɛrɛ tòʼrò ebe bɔ kpe endzobo a shi koʼo ebe Ngwe é tee eklasɔn mɔ.”

Yeso gíì kpe, “E be ŋwɛʼrɛ kpe ngà ghɔ Àsaase Ngwe njɛ gɛ̀rɛ̀ sa fwɛʼ tye ebe engɔ gho zhiʼ”

Éngɛ Yeso gíì kpe, “E be ŋwɛʼrɛ efwɔ aŋwɛʼrɛ Ngwe kpe, gho ke ma tsɔmɔ tye me ene ǹgoŋ bo.”

Aŋu Yeso à ghɛ́ɛbɛ eji Joodan ngɛ, Azhwɛɛrɛ pɛ me shwe ekwa engɔ, éngɛ Azhwɛɛrɛ gbee engɔ ngɔ̀ɔ edɔm eguńked.

Yeso gíì kpe, “Aŋwɛʼrɛ Ngwe ye ga kpe ke sa kpèrè Àsaase Ngwe njɛ bo.”

Èndzobo chɛ asatan à shi mɛ̀ɛrɛ èkwà̧ʼrà bɔnɔ gimkpaʼ ngɛ, engɔ saara Yeso, sa kɔʼɔ endzobo etsɛrɛ yɛ engɔ ma wu le ngɛ.

Éngɛ asatan nu engɔ ngɔ̀ɔ edɔm egu à me tɛbɛ ngɔɔ ekere àkɛ ngɛ, è tam tee ebɛ gimkpaʼ byɛ â me mwɔ efwɔ ese ngɛ è gâ ebe engɔ kpe, “Mmɛ wa ndɛʼ ekama angɔ gimkpaʼ mane eghɔ kɛ́ angɔ engɛ̂ mbɔʼnga â shi ndɛʼ ela bɔnɔ gimkpaʼ ena, éngɛ mmɛ gɛrɛ wa ndɛʼ ebe gho wɛ mmɛ me ke ngɛ. Éngɛ mala ngwo ghɔ angu, shi ela bɔnɔ gimkpaʼ ba ngo mwɔ àmbyɛ” Yeso gíì kpe, “E be ŋwɛʼrɛ kpe ngà ghɔ Àsaase Ngwe njɛ gɛ̀rɛ̀ sa fwɛʼ tye ebe engɔ gho zhiʼ”

Éngɛ asatan nu Yeso è ngɔɔ a Jerusalɛm, è ngɔɔ tam nè engɔ edɔm ndɔngwe kɛ̀, è ga ebe engɔ kpe, “Mala ngwo ma ŋwɔ Ngwe, enga nyɛrɛ ekere anɔ è chimmi a chwâ. Mbɔʼnga e be ŋwɛʼrɛ kpe ‘Ngwe yà ndɛʼ etsɛrɛ ebe engere kpe e kɔŋɔ awɛ angɔ ba ngo beʼ awɛ ekere mbɔʼtye ngwo ne duru alo njɛ ene etye bo.’ ” Yeso gíì kpe, “Aŋwɛʼrɛ Ngwe ye ga kpe ke sa kpèrè Àsaase Ngwe njɛ bo.”