Popular Bible Verses from Eyɔɔ 14

Share

M̀bwarambwad, mmɛ shi nè mbɔn. M̀bwarambwad ndza mmɛ ndɛʼ endɔn. Mmɛ ke ma ndɛʼ endɔn na aŋu ese ma ndɛʼ ngɛ bo. Mbɔn ke sa nyii ńtara ntsɔn bo. Mbɔn gɛrɛ ke sa bumu bo.”

Yeso gíì kpe, “Mmɛ na aghɛʼnji, mwɔ éŋwaʼa gɛ̀rɛ̀ mwɔ etyê. Gho deʼ ke né ngɔ̀ɔ ebe àtɛ dye tɔrɔ é fɔɔ ena bo.

Yeso gâ ebe angɔ kpe, “Mbɔn ke sa nyii angɔn, tsɛddɛ ńtara ntsɔn bo. Mbɔn le ebɛrɛ ene Ngwe gɛ̀rɛ̀ le ebɛrɛ ene mmɛ.

Bɛʼngɛ ǹkpède yɛ mwɔ azhwɛɛrɛ pɛ, wɛ àtɛ ma ngo sàa ene ekumu ngu ngɛ, wa ngo tee abwa gimkpaʼ endɔn gɛ̀rɛ̀ zhuŋu angɔn ene abwa gimkpaʼ yɛ mmɛ à shi ga endɔn ngɛ.

Éngɛ egho wɛ me le ebɛrɛ ene atsɛrɛ ndza ma shi ngɛ, ne engɔ wɛ me doʼo angu ngɛ. Engɔ wɛ me doʼo angu ngɛ, àtɛ ngu gɛrɛ wa doʼo engɔ, mmɛ mɔ gɛrɛ doʼo engɔ gɛ̀rɛ̀ tee angu ebe engɔ.”

Mmɛ wa gà ebe àtɛ è ndɛʼ ǹkpède wɛ è ma sa kpèdè angɔn mwɔ nè mbɔn akyɛ gimkpaʼ ngɛ. Ǹkpède zɔnɔ na azhwɛɛrɛ pɛ éŋwaʼa. Ese de ke nɛɛ engɔ bo, mbɔʼnga e de ke ma zɔ engɔ bo gɛrɛ ne me nɛɛ engɔ bo. Bɛʼngɛ mbɔn be nɛɛ engɔ mbɔʼnga engɔ na tsɔmɔ nè mbɔn gɛ̀rɛ̀ ma ngo mwɔ nè mbɔn.

Mmɛ wa le ebwa wɛ mbɔn ma biiri ena ene ekumu ngu ngɛ mbɔʼtye, e ndɛʼ eghɔ ebe àtɛ nyɛ̀rɛ̀ zèʼe achim ŋwɔ. Éngɛ mbɔn be né biiri ka mwɔ ebwa we ene ekumu ngu, mmɛ wa le endɔn.”

Mala mbɔn me doʼo angu, mbɔn shi atsɛrɛ ndza.

Eto ndɔ be ghɛʼɛ efwɔ ndɔ àtɛ ngu. À ne me éngɛ bo, shi mmɛ à ke ga kpe mmɛ ngɔɔ é ndèerè afwɔ endɔn bo.

Éngɛ mala mmɛ ngɔɔ ndeere afwɔ endɔn, shi mmɛ wa zeʼe é nu angɔn kpe mbɔn mwɔ nè mmɛ afwɔ yɛ mmɛ mwɔ ngɛ.

Tɔmas ga ebe engɔ kpe, “Masakɛ, mbyɛɛ ke nɛɛ afwɔ yɛ ngwo ma ngɔɔ ngɛ bo. Mbyɛɛ ba da nɛ̀ɛ aghɛʼnji yɛ ngɛ ene?”