Popular Bible Verses from Lûk 8

Share

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Zhi zɛ ə è tàyntè ə m̀sòlèndzɔŋ za nyi kə əghɨ ghɛ ə ghe zɨ ghɛ ətəyn, sè ndamtə̂ kɔʼɔ, shiə ghənə̂ghè e sè tsɨlə, ghənə e kyiŋə eghaʼ, nyɨŋə kə epàm efɨa ə chiu, ghɛ nə ghɨyn e tàsə̀ nə kə ghənə ghəʼne əfètə̂ epomə̂ ə ghənə̂zè.

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

Njisə̀s ə pfɨfə sê ghənə nə, “Kûmə̀ ghè ə ghàyn kyi va pomə̂zè ə?” Ghənə e nyi è kayn fɨnə fânə̀, pfɨfə sê ngɨŋ sə ghənə̂sè nə, “Ə̀ vɨ̀nə nyi nâʼà ndè? E kàyntə̀ əghɛ, naʼapi àfof è tsò e zɨə və.”

Ngwàʼ zɛ ə è tàyntè endom nyi kə əghɨ ghɛ ə zɨə ghɛə Fezhə̀e, ndə̂plè ə pə̀ fɨsə kə ndò ə ghənə ətəm nə kə ghənə pomə ə sɔ fɨ.

Ghàyn ke nə ə ndə̂ pi ghè, ə vâyn nə̀ faŋ se fe, ə ndə̀tə̀ pi eghɛ èkè, e vâyn tə faŋ se fɨ ə ndayn.

Wùzhɔyn nə vɨ̂yn ə fe nə ə kê nə ə̀ kom zhi ə fɨə pə̀, tsɨŋtə̂, ə pfɨ̀ə ə Njisə̀s əshi ə tsà eghɛ zɛ ə ze fè nə̀yn kə è kom Njisə̀s. Ghɨghe əkɨ̂m ə zɨə. È və fɨnə piə nə zhi fè kom pə̀yn kè sə ashìŋə̀ nyi ə tɛ kə ndò. Njisə̀s ə ke pi sê vəyn nə, “Vayn vɨm, pomə zɛze ə nə̀yn nə ò tɛ. Kwɨlə ke è pɔ̂ynè.”

Ghənə ndùə sə̂ʼə̀ zə̂mə̀ vəyn, piə nə, “Pɛ̀ apɨəyn, Pɛ̀ apɨəyn, zə̀mə, ghàs nə kwutə̂!” È və zə̀mə̀ ə kàyntə̀ əghɛ sê fofa è tsò, ke ə tənə̂, luʼte ə kɨmə̂ kə nyiə mɔŋ.