Popular Bible Verses from Intaliko 37

Share

Jozefu walosile ichilota, ala pano wanena awakulu wakwe awamupata awalusya.

Israeli wakunzile Jozefu ukulusye awanakwe wanji wonsi, amuno walinji a mwana wa mu wukote wakwe, wamusumizile ilaya lya makasa matali.

Awala wanyina walola kuno yisi wamukundisizye ukulusye woliwo, awamupata, nanti kuwa ni nkumbu kwe weliwe.

Anyoka alota ichilota chinji, anena awanyina ati, Si-yivwani, ndosile ichilota chinji, ndosile ilanzi, umwezi ni ntanda ikumi na longa vyamfukamila.

Achaleka awanyina awawa nu wuzuwa kwe weliwe, ukuwa yisi asunga amazwi yonsi mu mwezo.

Wawanenile ati, Yivwani ichilota chino ndosile; Lolani, twatela tukunyepa imyanzi ya nkumba mu chalo, nalola umwanzi wane wakatuka wimilila; imyanzi yinu yawungana yaliwilizya umwanzi wane, yafukamila umwanzi wane.

Kanonzi zanji tumukome, tumusumbile mu chizinji chimwi, tuliya tukavwange tuti, Ivinyamana vyalonde vyamuluma, nga twize tulole chino ivilota vyakwe vilimuchitila.

Achaleka pano awalonsi wa ku Midiani wiza, awanyina awaya awafumya Jozefu mu chizinji, awamukazya ku walonsi awina-Ishumaeli indalama amakumi yawili; awasenda Jozefu awaya nawe ku Ijeputi.

Achaleka awanenana awati, Kalota weyo wiza.

Awamulola apatali pano atani afike kwe woliwo, ala pano atani afike awamupanjila ukumukoma.

Rubeni awanena ati, Mutazwisya uwazi wakwe, musumbilani mu chizinji choo, konyekoo mu mavunje, ukuwa mutize mumulemelele. Walondanga ukumufyusya ku makasa yawo alyakuti amutwale kwe yisi.