Popular Bible Verses from Mak 14

Share

Mana ne tarai eghu, “Mama! Mama! Glepo te kmanare theome ninhigrana ka iagho te edire. Thosei snakre ghau iara mala au papara ka nafnata puhi igne. Nu eni unha te magnahagheni iagho themu na, thosei leghui unha te magnahaghei iara na.”

Mana ne cheke eghu ka thilomare, “Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha glepo te doglo na, nu thinimu iagho na nigra fara.”

Tutuani fara, te chekeni iara ka ghotilo na. Aheva ka nauthoglu igne te toutonuni Nonomho te Keli na, naiknore ginauna nake ghatho fapuloni unha teke eni naꞌa igne.”

Aonu mana ne cheke eghu ka thilomare, “Iara biꞌo fara ka diꞌanagnafa, eghuteuna iara namo lehe ka igne. Ghotilo au agne mala dofrau.”

Kate ima teu mare na, mae Jisas ne hata bret, ne cheke fakelini ka God. Mana piepike bret na ne tufa ka nogna mae fanomhore ne cheke eghu, “Ima, igne thinigu iara na.”

Gnafa teuna mana hata hinao na, ne cheke fakelini ka God. Aonu mana ne tusu lao ka nogna mae fanomhore. Mae fanomhore ne kafe koꞌu ka hinao na. Mana ne cheke eghu, “Igne dadaragu iara na, farerhetagna nhaꞌa cheke majaghani teke eni God ka nogna naiknore. Dadara igne thofa mala fakarhidi naikno te kmanare.

Aonu, mae Jisas ne cheke eghu ka nogna mae fanomhore, “Ghotilo ginauna na kafe rikha koko ghau iara. Igne unha teke chekeni God ka grioriso te blahi na, “ ‘Iara ginauna faleheni mae greireghi sipu na, eghuteuna tothoghei sipu na ginauna kafe rikiraka tafri.’

Kegra haghe, tei noda! Filo si ghotilo, igne tela mei mae ihei nate snakre lao ghau iara ka khamedi mae te diꞌare!”

Mae Jisas ne cheke eghu ka mana, “Ghema Pita, tutuani fara te chekeni iara ka iagho na, iagho ginau bongi na theome fapea tanhiu khokorako na thilo fata chekeni ne iho ghau iara teuna.”