Popular Bible Verses from Marcos 14

Share

Chimeꞌdye Jesús jéte: —Yụ́tyiꞌ Jenꞌ itŝiꞌ méquiꞌ carij mídyes, yụ cọdyeye jiꞌc̣hontiꞌ paj qui jam därsiꞌ ñịbedyes jịꞌĉojtyeꞌ yụ, jam qui na ramꞌ yojdyemꞌ mạꞌjeꞌ uij, yuꞌtiꞌ ramꞌ yojdyemꞌ mis dyijyedyeꞌ u.

Dyij buꞌjamꞌ miꞌin, cọdaĉamꞌ Jenꞌcheꞌ paj qui jam peñiꞌ jịꞌĉojtacyaꞌ miꞌin. Meꞌ tsanꞌ dyijyedyeꞌĉan mạꞌjetiñeꞌ cäc̣häꞌchutinte Jenꞌ miꞌin, aꞌsiꞌ qui namꞌ miꞌin itŝiꞌ ferdyeꞌ mọꞌ.

Yụ jéyac miꞌin, paiꞌ raꞌ junanaj ĉụiꞌ voroꞌyi in jämꞌsiꞌ p̂eyacdyeꞌ Jenꞌsiꞌ muꞌ, räj buꞌyiꞌ raꞌ ọij jac, p̂eyeꞌ raꞌ in junꞌ chuc tsaꞌmin jiquej yụ, muntyiꞌ raꞌ in jam yaquintubiꞌ in.

Jéyacsi chibintyity in: —Anic tyumꞌyi ĉojtyiꞌ yụ jeñej raꞌ säñi ĉúti yụ. Úyaꞌ chum tacyaꞌ miꞌin ñuts buꞌjamꞌ miꞌin.

Tacaꞌ säcsevaꞌjoij in, muꞌ Jesús tapjete muꞌ pan, yoshoropaij jéte Jenꞌ, chat qui q̂uemiꞌvete, soꞌmaqui jịꞌchiyactyiꞌ muꞌ, jéyacsi: —Miyaꞌĉa uts, uts nash jeñej buꞌyi ĉụiꞌsiꞌ aꞌ yụ —yi.

Tyéquis qui tapjeꞌ, yoshoropaij jéte Jenꞌ, soꞌmaqui jịꞌchiyactyiꞌ muꞌ, räjdye muꞌin tyeij in. Jesús qui jéyacsi: —Ọij nash jeñej buꞌyiꞌ ĉụiꞌsiꞌ chäsh yụ, daiꞌdyes raꞌ muntyiꞌ yụ raꞌ yụꞌtyeꞌ, mọꞌ ferdyeꞌ jasoꞌmitiꞌ raꞌ mụiꞌsis p̂eyacdyeꞌ Jenꞌsiꞌ muꞌ, yụꞌtyeyacsis raꞌ muntyiꞌ in.

Jesús jéyaqui jịꞌchiyactyiꞌ muꞌ: —Räjenꞌdye raꞌ farajjitiĉaꞌ yụ miꞌin, ĉaꞌjoij raꞌ miꞌin. Meꞌ raꞌ cạ̈tsiꞌ sánacdyeꞌ yiꞌ: "Jenꞌ raꞌ ijacsebi muꞌ ĉọjcacsity oveca in, chat qui raꞌ jiꞌpaiꞌcac oveca in."

Sacyejamꞌ cabuꞌtyum miꞌin. Atyuꞌ u meij jijtuij jiꞌmincantyiꞌ yụ.

Jesús vorjajiti: —Yụ raꞌ jéye, ọij q̂uinꞌ tsedyedyeꞌ, jambiꞌ raꞌ päräꞌ quiꞌ p̂oñi ojtereꞌ, mi raꞌ chibin quiꞌ yi: "Yụ jam cäc̣häꞌchutety Jesús."