Popular Bible Verses from Mateos 9

Share

Mọꞌdyes muꞌ Jesús jéyacsi jịꞌchiyactyiꞌ muꞌ: —Anic därsiꞌ vädacdyeꞌ mọꞌyaꞌ, itŝij qui namꞌ tyi vädaquity in. Cọdyemac miꞌin muꞌ meꞌchuiꞌtyiꞌ vädacdyeꞌ paj qui muꞌ yụꞌtacsi vädaquity muntyiꞌ in, cạyacsity p̂eyacdyeꞌ in.

Jemoñeꞌ dyijtutiñeꞌ miꞌin ọij sánacdyeꞌ Jenꞌsiꞌ muꞌ paj qui tupuj chị́yetiñeꞌ jätäjyiꞌ chuc cạiꞌ mọꞌ, yiꞌ "Yụ mujuꞌchaꞌ mạꞌjeꞌ paj qui ñịbeꞌ ĉọcsi miꞌin, uyaꞌyaꞌ mọꞌ mạꞌjeꞌ yụ mọꞌ jiꞌcoꞌshayacdyeꞌ yụ́dyes", yiꞌ sánacdyeꞌ. Yụ atsij jam rụijtyitydyety in, yụ atsij juchajtumtyidyety in ĉọshseti yụ.

Jesús aty cạvacsiyaꞌ daiꞌtyiꞌ muntyiꞌ in, muꞌ ñịbeꞌ ĉọcsi ĉaĉaij na muꞌin joꞌmequeꞌqueij cajotyiti in, itŝiꞌ tyeiꞌ dyijyedyeꞌ muꞌin, jeñej oveca in jam ĉọjcacsis in, meꞌ cạvacsi muntyiꞌ in.

Jesús seꞌvacsebi p̂eyacdyeꞌ muꞌin, chat qui jéyacsi: —Muntyiꞌ räshtyiꞌ in jam junꞌ jemonte muꞌ pịñitucsity in, muꞌin chat japacjoijtyiꞌ muntyiꞌ in jemonte pịñitucsity in.

Jesús räj socorꞌjeꞌ mọꞌĉansiꞌ bäꞌyedyeꞌ in. Muꞌĉan vajmuꞌyadyeꞌĉan judío in jịꞌchiyacsi muꞌ, judyeyaꞌ voroꞌtacsi Jenꞌsiꞌ p̂eyacdyeꞌ muꞌ, p̂eyeꞌ aty c̣hẹiꞌyaꞌ ayoꞌbuꞌyi raꞌ Jenꞌ. Chimeꞌdye muꞌ jiꞌchäcacseban muntyiꞌ, yịjyi areꞌredyeꞌ muntyis in judyeyaꞌ japacjodyeꞌtumtyiꞌ in, meꞌ meꞌ jiꞌchäcacseban.