Popular Bible Verses from Lucas 21

Share

Jäꞌmiij dyij buꞌjamꞌ miꞌin räjĉan raꞌ cọdaqui Jenꞌcheꞌ miꞌin paj qui fer buꞌyiꞌ bäꞌyi miꞌin Jenꞌdyes, paj qui jam peñi miꞌin aty jịꞌĉojtiñeꞌyaꞌ mọꞌ jéyacsi yụ miꞌin q̂uinꞌ. Chat qui raꞌ tupuj jiꞌcaviti miꞌin yụ́syaꞌ vej yụ Anictyity Muntyiꞌ yụ —jéyacsi Jesús.

Areꞌĉa miꞌin, jam raꞌ jacches mọmoꞌ dyijtutiñeꞌ jedyeꞌ miꞌin, jam raꞌ feshtadyes mọmoꞌ dyijtutiñeꞌ miꞌin, mijam raꞌ shuꞌquedyeꞌ, paj qui jam yäjqui ĉojtyiꞌ miꞌin, vatyquej raꞌ chaꞌshinac mọꞌ tupudyeꞌ mijam raꞌ chị́vaꞌjoij miꞌin.

Jemoñeꞌ dyich buꞌyi bäꞌyi miꞌin paj qui c̣hoñi miꞌin.

yụ́dye raꞌ soꞌmeyac mọjoꞌchas dyijyedyeꞌ paj qui jam tupuj dạqueꞌ in voryedyeꞌ muꞌin.

Ọij mạyedyeꞌ judyeyaꞌ ọij jac mọtsiꞌ raꞌ in, yụ́siꞌ na p̂eyacdyeꞌ jam raꞌ junꞌ mọtsiꞌ, mọꞌ ramꞌ cạ̈tsiꞌ räj.

Aty raꞌ meꞌsiꞌ mọꞌyaꞌ raꞌ mạyedyeꞌches jedyeꞌ jutacdyeꞌ jiꞌcavitiꞌ. Muꞌcheꞌ raꞌ tsuncheꞌ jiꞌcavitiꞌ, judyeyaꞌ ịvajcheꞌ judyeyaꞌ ọ́rotaꞌcheꞌ chimeꞌ. Jacchety raꞌ muntyiꞌ in paiꞌ bäꞌyity in anic raꞌ itŝijyi noiꞌyi in, tyumꞌ raꞌ tyeij ĉojtyiꞌ muꞌin. Anic raꞌ tsäquiꞌyiꞌ mạꞌiꞌ marĉansiꞌ ojñiꞌ fer raꞌ mạꞌiꞌ, där raꞌ tsäquiꞌ vacamꞌquedyeꞌ mọꞌ. Muntyiꞌ raꞌ in anic raꞌ där itŝij tyeij in dyijtuvaꞌqueꞌ in tsäquiꞌsis raꞌ tsọ́banꞌ ọ́cheꞌ jaccheꞌ. Chimeꞌdye raꞌ ọ́rotaꞌ in turenꞌ qui in, yocve raꞌ tyeij in. Chat qui raꞌ q̂uinꞌdyemꞌ cheꞌve jiꞌĉujtuyibun yụ in Anictyity Muntyiꞌ yụ, dyicbaꞌbadyeꞌ raꞌ jijtuiꞌ yụ, därsiꞌyaꞌ ferdyeꞌ yụ judyeyaꞌ mạijquedyeꞌ yụ.

Räj raꞌ yụ́dyes mọꞌjinac fáquinac in muꞌin jam cäc̣häꞌchuntyiꞌ yụ in.

Chimeꞌdye paiꞌ raꞌ mọꞌyaꞌ tsäquiꞌsis bubacdyeꞌ, judyeyaꞌ raꞌ dáquedyeꞌ, judyeyaꞌ raꞌ tsäquiꞌsis japacjodyeꞌ chimeꞌ. Jiꞌcavitiꞌ raꞌ därsiꞌ mạyedyeꞌches jedyeꞌ tsäquiꞌsis chimeꞌ.

Chimeꞌdye raꞌ daiꞌ seꞌvetiñeꞌ chutidyeꞌ jacches in judyeyaꞌ ijatidyeꞌ, jam qui na ramꞌ cajotyiti miꞌin. Meꞌ raꞌ tsanꞌ meꞌ, tashcheꞌdye raꞌ cạ̈tsiꞌ räj ọij, jambiꞌ qui na ramꞌ ayij jadyiquis tupudyeꞌ. Chimeꞌdye yi jéyacsi muꞌ Jesús: —Yiris raꞌ jac yocsiꞌtum jac chutidyeij in, judyeyaꞌ yirity jacchety ayoꞌ jutaqui raꞌ väc̣häꞌtyity muꞌ, chuti raꞌ yoctyiꞌtum in.

Aty raꞌ meꞌsiꞌ mọꞌyaꞌ raꞌ mạyedyeꞌches jedyeꞌ jutacdyeꞌ jiꞌcavitiꞌ. Muꞌcheꞌ raꞌ tsuncheꞌ jiꞌcavitiꞌ, judyeyaꞌ ịvajcheꞌ judyeyaꞌ ọ́rotaꞌcheꞌ chimeꞌ. Jacchety raꞌ muntyiꞌ in paiꞌ bäꞌyity in anic raꞌ itŝijyi noiꞌyi in, tyumꞌ raꞌ tyeij ĉojtyiꞌ muꞌin. Anic raꞌ tsäquiꞌyiꞌ mạꞌiꞌ marĉansiꞌ ojñiꞌ fer raꞌ mạꞌiꞌ, där raꞌ tsäquiꞌ vacamꞌquedyeꞌ mọꞌ. Muntyiꞌ raꞌ in anic raꞌ där itŝij tyeij in dyijtuvaꞌqueꞌ in tsäquiꞌsis raꞌ tsọ́banꞌ ọ́cheꞌ jaccheꞌ. Chimeꞌdye raꞌ ọ́rotaꞌ in turenꞌ qui in, yocve raꞌ tyeij in.

Chimeꞌdye yi jéyacsi muꞌ Jesús: —Yiris raꞌ jac yocsiꞌtum jac chutidyeij in, judyeyaꞌ yirity jacchety ayoꞌ jutaqui raꞌ väc̣häꞌtyity muꞌ, chuti raꞌ yoctyiꞌtum in.

Jesús vorjeyacsi: —Areꞌĉa miꞌin, jam raꞌ seꞌvacsebi miꞌin väñädyeꞌ muntyis muꞌin. Daiꞌ raꞌ muntyiꞌ jiꞌcaviti in, yụ́siꞌ raꞌ tịj jiꞌjäcbun yụ in, muꞌin raꞌ yi in: "Yụ nash Jiꞌc̣honacsity Muntyiꞌ", yi raꞌ pạrej in. Pạrej raꞌ yi chimeꞌ in: "Aty ayij jadyiquis tupudyeꞌ", meꞌ raꞌ yi in. Jam raꞌ seꞌvacsebi p̂eyacdyeꞌ miꞌin, mijam raꞌ cäc̣häꞌchucsi miꞌin.