Popular Bible Verses from Génesis 9

Share

Yụ raꞌ yụꞌtyeꞌ miꞌindyes yiris jịꞌĉocdyes paj qui dyijtubutiĉaꞌ miꞌin ọij p̂eyacdyeꞌ yụ miꞌindyes, judyeyaꞌ räjdyes jacches jụ́tyestumsiꞌ in, mijam raꞌ junꞌ mọtsiꞌ ọij p̂eyacdyeꞌ. Oꞌpitoꞌ yụ yụꞌte dyicbaꞌbadyeꞌĉan, jịꞌĉocdyes yụ́siꞌ p̂eyacdyeꞌ yụꞌtyeyeyacsis yụ räj jaccheꞌ bäꞌyity in.

Jämꞌdyeyaꞌ jorojĉanyiyaꞌ muꞌ oꞌpitoꞌ dyicbaꞌbadyeꞌĉan, yụ raꞌ cạvete chat qui raꞌ yụ dyijtuĉan p̂eyacdyeꞌ yụ miꞌindyes judyeyaꞌ räj yocsiꞌ jacches jụ́tyisdyes in. Ọij p̂eyacdyeꞌ jam raꞌ jụꞌñisĉan mạyedyeꞌ mọtsiꞌ.

"Tyi chuc jiꞌchäshte ujate muntyiꞌ jụijyaꞌ, paj yoctyiꞌ muntyiꞌ jiꞌchäshte ujate, ĉaĉaij na Jenꞌ jämꞌte muꞌ muntyiꞌ yódyeijdyemꞌ muꞌ u, joꞌmeijdye jämꞌte.

Jenꞌ soꞌmacsi p̂eyacdyeꞌ Noé ạvaꞌtumdye, jéyacsi: —Daiꞌ raꞌ ạvaꞌyi miꞌin paj qui vóshiꞌ miꞌin räj buꞌban úcheꞌ jaccheꞌ in.

Q̂uinꞌ yụ soꞌmeyac jebacdyeꞌ räj in jibitidyes miꞌin. Yụ jiquej soꞌmeyac sacacdyeꞌ, q̂uinꞌ chat jebacdyeꞌ soꞌmeyac.

Räj jebacdyeꞌ in, jaijtyiꞌ in judyeyaꞌ tạbedyeꞌ in, mọꞌin raꞌ quijñinac cavinac in. Yụ raꞌ yụꞌtyeyeyac miꞌin paj qui räj meꞌchucsi miꞌin.

Miꞌin raꞌ daiꞌ ạvaꞌyi, muꞌin qui raꞌ vóshiꞌ miꞌin daiꞌ raꞌ muꞌyaꞌ in paiꞌ buꞌyi jaccheꞌ in."