Popular Bible Verses from Maakusiup Aglangit 6

Share

Jiisusiup uqautivait, “Uvagutuuluta aullalauqta inutuuvigijunnaqtattinnut, taqaiqsikainnarunnarniarassi.” Tavvani inuit amisut qaikataluarninginnut, nirijunnaqsititaulaurunniirmata.

Jiisusiup uqautivait, “Nalauttaijuq upigijaunikittuuvuq, nunatuqarmini, ilamini, angirraminilu.”

Jiisusili umiamit niugami inungnik unuqtummaringnik takugami, nagligusummariliqpuq taakkuninga, siipititut taimaimmata paiqsijiqanngittutitut. Taimaimmat ajuriqtuliqpait amisunik ajjigiinngittunik.

Tavvani kamanaqtulijunnanngilaq qanutuinnaq, qanimajulli ilainnangit patimmivait aaqqiktaullutiglu. Jiisusi kamaniaqpuq, inuit ukpirusunnginninginnik. Kinguningagut nunalingnuaqpuq tamaani qanigijaaniittunut ajuriqtuilluni.

Niaquujait tallimat tiguvait iqaluuglu marruuk, qilangmut aarlurluni, Guuti qujagivaa, niaquujait agguqpait, ilinniaqtiminut tunillugit inungnut tuniuqqautigijauqullugit; iqaluuglu marruuk agguqpaak tamainnut. Tamarmik nirivut kaagunniirlutik. Ilinniaqtingit 12-nik iviujarnik tataivut, agguqsimajunik amiakkugijaujunik niaquujanik iqalungniglu.