Popular Bible Verses from Luukasiup Aglangit 11

Share

Ilissi piunngittuugaluaqtusi, piujumik tunisijariaksaq qiturngassinnut qaujimagassi, anginiqsamigli Ataatasi qilangmiittuq tunisijunnarniqsauvuq Anirnirmik Ijjurnaittumik pijumavigijiminut!”

Uqautivassi, pijumagussi, tavva tunisiviuniaqpusi; qinirissi, tavva nanisiniaqpusi; tiglukturissi, tavva matuirujjauniaqpusi.

Nalliat pijumajuq tunisiviuniarmat, qiniqturlu nanisiniarmat, tigluktuqturlu matuirujjauniarmat.

Jiisusiup uqautivait, “Tuksialiraangassi imaak uqaqattarissi: Ataataak, atiqpit ijjurnainninga isumagijautsiarli; Ataniuniit qailaurli

Piunngittulinivut isumagijunnaikkit, Piunngittulivigijivuttauq isumagijunnairvigivakkattigut; Piunngittumik pijumisaaqtaunaqtumut tikitittailitigut.”

Qautamaat niqiksattinnik tunisivigitigut

Ijisi timissinnut naniruatitut taimaipput; ijiikkik takunnatsiaqpatik timiit iluunnaat qaumajumiippuq; ijiikkigli takunnanngippatik timiit iluunnaat taaqtumiippuq.

“Naniruarmik ikitsijuqaraangami ijiqtauvanngilaq, makkaujaulluunniit ataanut ilijauvanngilaq; naniruakkuviulli ininganut ilijauvakpuq, iglumut itiqtut qaumajumik takuqullugit.