Popular Bible Verses from Juanasiup Aglangit 21

Share

Nirijariiramigli, Jiisusi uqaqpuq Saimuuni Piitturuusimut, “Saimuuni Juanasiup irninga, ukunangaat pinnariniqsarivinga?” Piitturuusiup kiuvaa, “Ilaak Ataniq; qaujimavutit nagligigakkit.” Jiisusiup uqautivaa, “Siipilaaqutikka niritinniakkit.” Aippanganik Jiisusiup uqautivaa, “Saimuuni Juanasiup irninga, pinnaarivinga?” Taassuma kiuvaa, “Ilaak Ataniq, qaujimavutit nagligigakkit.” Jiisusiup uqautivaa, “Siipiqutikka pairiniakkit.” Pingajuannik Jiisusiup uqautivaa, “Saimuuni, Juanasiup irninga, nagligivinga?” Piitturuusili qiksaaliqpuq pingajuannik uqautingmagu, “Nagligivinga?” Tavva uqautiliqpaa, “Ataniq, sunalimaanik qaujimavutit; qaujimavarma nagligigakkit.” Jiisusiup uqautivaa, “Siipiqutikka niritinniakkit.

Sulijumik uqautivagit, inuusuktuutillutit, ilingnik tattirusirlutit aivalauqputit aivigijumajarnut; ittuuliruvilli taliikkik isagumaaqpaakkik, asivillu tattirusirumaaqpaatit aitillutit aivigijumanngitarnut.”

Tavva uqautivait, “Nuluasi ningitilauqsiuk umiap taliqpianut, tavva iqalungniaqpusi.” Tavva nuluatik ningitippait, amuarunnarunnairlugit, iqaluit unurninginnut.

Saimuuni Piitturuusiup ilani uqautivait, “Iqallialirama.” Taakkua uqautivaat, “Ilaginiaqpattigit.” Anigamiglu umiamuaqput; unnuamili tamatumani iqalulaunngilat.