Popular Bible Verses from От Матфея 19

Share

Иўырңа Иисусым таўавыҳлъюўа̄қ ысҳаӷлюки пикӣ: «Югыт пияҳқақынӷилъкаңит, Кияӷныӷым пияҳқақӣ».

Ынка̄ңам ма̄лӷугунаниҳтук, ата̄сӣҳтук югусӣк. Тама̄кын апалъюқлъюку Кияӷныӷым қырңуӷутыстыкакык йықай югым пылъҳутутысныӷилъикык».

Иисусым кӣмсиқӣ: «Атиҳтӣгастыкӣ Акузитыт Игақыхкат хўатын пилъҳит: “Пӣнлиӷьюхўа̄лъыӷми Кияӷнық юңлъяӷақңами улимакақыхкык югылъю, аӷна̄млъю”?» Ынка̄м пикӣ: «Та̄на апалъюқлъюку югым атанилъю, на̄нилъю унилъюкык, нулиҳқулъҳӣк қырңуӷулъықук, ынка̄м ата̄сӣҳлъықук югусӣк.

Иўырңа Иисусым пикӣ: «Йықай таӷнуҳа̄т тагилит хўаңамнун. Иныҳтыхпынаки, қаюҳлъяк Атаныҳпагулъҳа Қилягым таӷнуҳаӷыстун аюқылӷӣт пика̄т».

Иўырңа а̄ңылӷӣлӷутыт укалӣҳлъықут ынка̄м укаванлыңӯт аңылъҳуҳлъықут».

Ынка̄м хўаңа апалъюқлъюңа килъю алңунак унискумыхтыки мыңтыӷатың, аңлыгутытың, наятың, ататың, на̄тың, авақутатың, налиӷмың пӣтысиӷаӷвитың, нулялъықут ю̄к талъиматалъпаглюку. Кынлыңилңуӷмыңлъю уңувалъыӷмың алъхыӷулъықут.

Иисусым кӣмсиқа̄: «На̄михтыңъўа̄ӷьюкувгу Кияӷныӷым писқылъҳа лъпынун, агляӷлютын қамахлъюку сяӷьян акиклъюку, акиңа тама̄на аклъюмалӷӣнун тунқуӷнакын. Ынка̄м қилягми аклъюңилгулъықутын, та̄хкын тагилютың малихнакывңа».

Иисусым пика̄: «Сяңан а̄псиңа сяңўа̄ пинӣтаңа? Ата̄сиҳа̄гуқ пинилӷӣ. Кынлыңилңуӷмың уңувалъыңьюкувык қа̄ткики Кияӷныӷым қылӷусӣ».

Уңипа̄нъақлъя̄таӷамси иляңаның, пияқнӣсяҳқа̄гуқ верблюдым сюфлъюӷутылъыҳқа̄ сикӯм ӣйңакун, аклъюңилңӯм югым итылъыҳқа̄ның Атаныҳпагулъҳанун Кияӷныӷым».

Ынка̄м хўаңа пӣмси, югым пыхсяҳқақынӷита̄ нулӣни ўыткуқун гылӷаӷнӣқан. Пыхтыкумигу сямың алъяның апалъюлиӷлюни, нулиҳтунқихтыкуми гылгаӷнӣӷулъықуқ нулиҳқынҳамикун».

Та̄хкын Иисусым малихся̄ҳтыни пикӣ: «Ипа пӣмси, пияқнаӷьяҳқа̄гуқ аклъюңилңуӷмун югмун итылъыҳқа̄ Атаныҳпагулъҳанун Қилягым.