Popular Bible Verses from Mark 2

Share

Jesus‑em nagalluki pikii, “Aghallegtaq qinuyulghiinun pinguuq, yugunqegtanun pingunghituq. Tawateghpigaq ungipaasaghtuuganka seghleghqestet avuteghqesqelluki, nakaan tamaakut seghleghqiganniluteng pilghiit.”

Jesus‑em liisimakegkangi ugpeqilleghtulngit, enkaam uniiqaq yuuk pikaa, “Ighnemni, seghleghqelleghten seghevutellengut.”

Taagken Jesus‑em pikii, “Sabbath‑a nakmikegkaaguq meghnaliviguluni yugem pinighqelleghqaanun. Sabbath‑a nakmikegkaanghituq yugmun ikfiqliighutkesqelluku.

Kaatulluku itghunneghmeng aghtuqaat, qayughllak yuuk kangsuuteghllagulghii. Enkaam mangtegham qaayngan tile‑ngi ikughluki reghighulluku, yuuk allighaakun ukigtekaat Jesus‑em nallangakun.

Iwernga liisimakesugaqa Ighnegha Yugem seghevutiyaqleguuq seghleghqelleghneng nunami whani.” Enkaam uniiqaq yuuk pikaa, “Ungipaatamken, maketen, allighan tuguluku, elpesinun aglaa!”

Nalikek piyaqniitaghaghlleqak uniiqaq yuuk piyaqumkun, ‘Seghleghqelleghten seghevutellengut’ nalighmeng, ‘Makelluten, allighan tuguluku piyugi?’

Yuget esghapakaat yuuk tawaninginaq nekevluni, allighani tuguluku aanelghii. Enkaam qamagtengngwaaghluteng tawanlenguut saghiighayukat, usuqegkaatlu Kiyaghneq, “Whatelngughmeng esghaasigasaghtukut!”