Popular Bible Verses from John 17

Share

Aaftiki elpenun ipapilleghqun; akuziten ipapillghuuq.

Yuget kenlengilngughmeng unguvallengaqut liitelleghmegteggun elpek, taananginaghhaq Kiyaghneghpigaq, liitelleghmegteggunllu Jesus Christ‑a elpek kayagtekan.

“Yughaatkengngwaanka taakut yuget, yughaatkengngwaanka tamaakutlu yuget ugpeqiyaghqat whangamneng ungipaqillghitgun maligsaaghtema. Yughaghtunga qamaglluki ataasiisqelluki. Ataay, yeqay ilumtegnitestiki katam tawaten elpek ilumnitelleghpetun, whanga elpek ilugpenitellemtun. Ilumtegnitestiki nunam yuganun ugpeqesqelluku elpenun kayagsimatka.

Yughaatkengngunghitanka elpenun iqitesqelluki nunameng. Iwernga yughaatkengngwaanka elpenun aflengakaghtesqelluki Tughneghaghmeng.

Quulvaqaqanka katam tawaten quulvalleghpetun whanga, ellngit ataasiisqelluki katam tawaten whangkutung ataasiillemtegetun. Whanga ilungitnitunga, elpek ilumnituten ellngit ataasiightengngwaaghesqelluki. Enkaam nunam yugan liilleqaat elpenun kayagsimatka. Liilleqaatlu piniqellghen tamaakunun ugpeqilghiinun whangamneng, whangamnun piniqelleghpetun ayuqelghii.