Popular Bible Verses from Marcos 12

Share

Jesusba panausii: —Dachi Akõreba waubi b̶uu bed̶ea ʉ̃rʉbena chi aude mechiu b̶uu naubʉ: “Ũrísturu, israeld̶ebenarã. Dachi Mechiu ab̶aburu nii. Joma bichi sõd̶eeba, joma bichi jaurid̶eeba, joma bichi kʉ̃risiad̶eeba maud̶e joma bichi poyaad̶eeba bichi Akõre Mechiu kʉ̃riáse”. Dachi Akõreba waubi b̶uu bed̶ead̶ebena mau chi aude mechiu b̶uu. Maud̶e chi mawãare b̶uu naubʉ: “Waabenarã kʉ̃riáse ara bichi kʉ̃ria b̶uu kĩra”. Mau omed̶ebena audeara chi mechiu wãꞌãe.

Jesusba ichi baara nibabadaurãmaa jarasii: —Mʉʉba biawãra machimaa jaraaruu: jãu pẽdrãa chi nejarr barauwãe niiba jomaurãba deaped̶aad̶a audeara deasii. Ãchiba chi ʉ̃rʉ b̶eed̶a deasid̶au, maamina nau wẽra chi nejarr barauwãe niiba koi baita uru b̶uad̶a joma deasii.

Jesús sĩu b̶uasii Dachi Akõre de mechiud̶e chi nejarr pebadau kaita. Mau unusii ẽbẽrarãba sẽetao ed̶a bʉikamaa panuu. Chi nejarr barau nureerãba ãrea bʉikabachid̶au. Maud̶e pẽdrãa chi nejarr barauwãe nii neeped̶a sẽetao ome kaebeu kub̶usii.

Dachiba biawãra joma dachi sõd̶eeba, joma dachi kʉ̃risiad̶eeba, joma dachi jaurid̶eeba, joma dachi akõre mechiud̶eeba Dachi Akõre kʉ̃riad̶ai panuu. Maud̶e ab̶au ara dachi kʉ̃ria b̶uu kĩra kʉ̃riad̶ai panuu. Mau ãrea ãnimara Dachi Akõremaa baa deai bad̶amaarã aude biꞌia b̶uu.

Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu. Ichi bed̶ea ũrisid̶aud̶e, pera bara b̶eesii.