Popular Bible Verses from Lucas 3

Share

Juanba ẽbẽrarã boro eakua b̶uasiid̶e Jesús sid̶a boro easii. Maud̶e Jesusba Dachi Akõremaa berrearuud̶e bajãa ewasii. Ewaped̶a Dachi Akõre Jauri bajãad̶ebena paloma kĩra ichi ʉ̃rʉ neesii. Maud̶e bajãad̶ebena mimi ab̶a ũrisid̶au. Naka jarasii: «Bichi mʉ Warr chi mʉʉba kʉ̃ria inii. Bichi kakua mʉ ãrea kĩrajʉʉ b̶uu».

Maamina Juanba jomaurãmaa jarasii: «Biawãra mʉʉba baniaba machi boro ea b̶uu. Maamina mʉ audeara chi mechiu nii neei. Mauba jʉ̃rʉd̶e jʉ̃barii mʉ mau enai baita biꞌiwãe b̶uu. Mauba Dachi Akõre Jauri deai. Maamina ijãad̶awẽebʉrã kastikakuai.

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a. Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: Dachi Akõreba kʉ̃riaibʉrã cha b̶ee mo Abrahamd̶ebena imiped̶aad̶arã babiakuai.

Mau awara mʉʉba jaraaruu Dachi Akõreba chaara uru b̶uu bakuru tutai baita. Joma bakuru bia chaud̶akau tukuaped̶a tʉbʉd̶e jirakuai».

Joma mau makasii Dachi Akõre baita berreabarii Isaiasba naed̶e b̶ʉd̶a kĩra: «Ẽbẽra drua sirua wãꞌãe b̶uud̶e jĩwa berrea b̶uu: O jarésturu Dachi Mechiu biꞌia neemera. O ichi baita jipa wirua wáusturu. Ioro jokoa b̶ee joma korii b̶eei. Ea ʉtʉ b̶ee maud̶e ea jeed̶a b̶ee korii b̶eei. O jʉ̃rea b̶ee jipa wirua waui maud̶e o kachirua b̶ee joma biꞌia waukuai. Maka jomaurãba unud̶ai saka Dachi Akõreba dachi karibai b̶uu».