Popular Bible Verses from Lucas 14

Share

«Ab̶a mʉ baara wã kʉ̃ria b̶uubʉrã, naa ãrea kʉ̃risiai b̶uu. Ichi akõre, chi nawe, chi wẽra, chi warrarã, chi ãbarã, chi neekaurã, maebʉrã ichi chokae b̶uai mʉ audeara ãrea kʉ̃ria b̶uubʉrã, mau mʉ baara poyaa nibaabai.

Mʉʉd̶e ijãa b̶uu kakua, biꞌiwãe b̶uubʉrã, poyaa mʉ baara nibaabai.

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii».

»Ara mau kĩra mʉ baara wãd̶ai naed̶e machid̶ebenarã ab̶a joma chi uru b̶uu ida b̶ui ʉ̃rʉbena kʉ̃risiawẽebʉrã mʉ ome poyaa nibaabai.

»Ab̶auba de ʉtʉ waui kʉ̃ria b̶uubʉrã, naa biꞌia kʉ̃risiai b̶uu ichiba uru b̶uu chi nejarraba mau de joma poyaa waui kuitaai baita. Maka wauruubʉrã mau de wãto ʉyaad̶akare chi de joma poyaa wauwẽebʉrã, waabenarãba mau unuuduud̶e naka atua jarad̶ai: “Jãu ẽbẽraba de waumaa kob̶eesii, maamina poyaa joma waubasii”.

Maud̶eeba bichiba ẽbẽrarã iuruud̶e chi ne wãꞌãe nuree, chi poyaa nibad̶akau, jʉ̃rʉ nʉka nuree, dau pãriu nuree iukuase. Makaaruubʉrã biawãra bichi ãrea chi bia b̶uai. Maarãba bichimaa poyaa dead̶aabaid̶eeba, chi jipa nuree chokae jirachoaduu ewarid̶e Dachi Akõreba bichimaa ne bia deai.

»Biawãra tã ãrea bibuara nii, maamina chi kuyaa wãꞌãeruubʉrã ¿saka waya kuyaa b̶eeima? Mau tã iorod̶e bud̶ikai baita, maebʉrã ãnimara ã ʉ̃rʉ bud̶ikai baita biꞌiwãe nii. Bari b̶atatai báitaburu bibuara nii. ¡Chi kʉʉrʉ bara niiba kauwa ũrise!»