Popular Bible Verses from Lucas 11

Share

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

»Mʉʉba jaraaruu: Ara mau kĩra Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

Chi ʉtaa id̶i b̶uuba uru b̶uaika. Chi jʉrʉ b̶uuba unui. Chi poraad̶e iuruumaa ewai, ne kaebea deai baita.

Jesusba jarasii: —Machiba Dachi Akõremaa ʉtaa id̶iiduud̶e naka berreásturu: “Dai Akõre bajãad̶e b̶uu, bichi trʉ̃ aude bibuara nii waabenarã trʉ̃ audeara. Daiba kʉ̃ria panuu kãꞌãabariwãed̶e bichiba bichid̶irã bichi juad̶e ua b̶uai. [Kʉ̃ria panuu bichiba kʉ̃ria b̶uu nau iujãad̶ebenarãba waud̶ai, bajãad̶ebenarãba waubadau kĩra.]

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra. Dai kachiruad̶e b̶aebiarã́se, maumaarã kachiruad̶ebena aid̶ase”.

Daimaa chiko dease ewaricha kod̶ai baita.

Bichi dau ʉ̃d̶aa koabarii kĩra nii. Maud̶eeba bichi dau biꞌia niibʉrã, ʉ̃d̶aad̶e nibai. Maamina bichi dau biꞌiwãe niibʉrã, pãriud̶e nibai.

»Ab̶au bid̶a ʉ̃d̶aa koabarii koaped̶a mera nub̶ukau maebʉrã cajón ekare nub̶ukau. Maumaarã chi ʉ̃d̶aa koabarii ne kaebea ʉ̃rʉ ʉtʉ nub̶ubarii chi ded̶e needuurãba ʉ̃d̶aa unud̶amera.