Popular Bible Verses from OO MEYO ACHIMOOWIN ST MATTHEW 16

Share

Ākose Jesus itāo oo kiskino̔humowakuna, Keespin oweyuk we̔ pimitissahootche, numoweya yayetān weya kitta we̔ na̔heyowāhissoo, maka kitta otinum oot ayimissewin, ākose ne ga pimitissahook.

Mena maka ke̔ we̔tumatin, Peter ket issini̔kasoon, ākota oma kistapiska̔k kā chimutayan net ayumehāwekumik; mena muche iskootāo iskwa̔tāma numoweya kitta sakooche̔tawuk.

Mena ke ga meeyitin ke̔che kesikoowe apee̔tukahikuna: piko oweyuk kā tu̔koopitut ota uskee̔k kitta tu̔koopisoo ke̔che kesikoo̔k: mena oweyuk kā apa̔wut ota uskee̔k kitta apa̔waw Ke̔che Kesikoo̔k.

Keespin oweyuk we̔ pimachetatche oo pimatissewin a̔cheko kitta wune̔taw: mena oweyuk wune̔tatche oo pimatissewin neya o̔che kitta miskum.

Kākwi kā o̔tissit ayiseyinew ata missewā ayat uske, ākose wunehat oot a̔cha̔kwa? a̔po kākwi kā ke̔ mākit ayiseyinew meeskooch oot a̔cha̔kwa kitta ayawat?

Mena omisse itāo, maka keyawaw owāna ā isseyāk? Ākose Simon Peter nuskwāwusehāo omisse itwāo, Keya oma Christ, ka Munetoowe Koosisaneweyun.

Ākose Jesus nuskwāwusehāo mena omisse itāo, ke sowāye̔takoosin keya, Simon Bar‐jona: yukuma meyas mena mi̔ko o̔che wapu̔teyikooyun, maka n’ O̔tawe ke̔che kesikoo̔k āyat.